Termiz davlat pedagogika institutida yakuniy davlat attestatsiya jarayonlari davom etmoqda

Blog
01-08-2026 91

Termiz davlat pedagogika institutida yakuniy davlat attestatsiya jarayonlari davom etmoqda

Yakuniy davlat attestatsiyasi jarayonlari

2025/2026-o‘quv yilida Termiz davlat pedagogika instituti rektorining tegishli buyrug‘iga asosan 20 ta bakalavriat ta’lim yo‘nalishi hamda 19 ta magistratura mutaxassisligi bo‘yicha yakuniy davlat attestatsiya sinovlarini tashkil etish rejalashtirilgan.

Bugun Boshlang‘ich ta’lim yo‘nalishi bitiruvchilarining bitiruv malakaviy ishlarini himoya qilish jarayonlari Termiz shahridagi 9-sonli umumta’lim maktabida bo‘lib o‘tmoqda.

Jarayonlarni yuqori saviyada tashkil etish maqsadida barcha zarur tashkiliy va texnik shart-sharoitlar yaratilgan. Attestatsiya sinovlarining ochiqligi va shaffofligini ta’minlash maqsadida ularni onlayn kuzatish imkoniyati ham yo‘lga qo‘yilgan.

Shuningdek, bitiruvchilarning bilim va ko‘nikmalarini xolis hamda adolatli baholash maqsadida respublikaning nufuzli oliy ta’lim va ilmiy muassasalari, ishlab chiqarish hamda xizmat ko‘rsatish tashkilotlaridan malakali mutaxassislar komissiya raislari sifatida jalb etilgan.

Yakuniy davlat attestatsiyalarini tashkil etish jarayonida ish beruvchi korxona va tashkilotlar bilan hamkorlikni yanada mustahkamlash, ularga uslubiy ko‘mak berish hamda mazkur faoliyatni muvofiqlashtirish bo‘yicha tegishli ishlar izchil amalga oshirilmoqda.

Yakuniy davlat attestatsiyasi — bitiruvchilarning ta’lim davomida egallagan bilim, ko‘nikma va kompetensiyalarini namoyon etuvchi muhim bosqich bo‘lib, jarayonlar belgilangan tartib va talablar asosida davom etmoqda.