
Falsafa fanlari nomzodi, dotsent, kafedra mudiri
Falsafa, ma’naviyat asoslari va huquq ta’limi kafedrasi 2021-yil 30-avgustdagi 1/4-1-1-sonli Termiz davlat universitetining Pedagogika instituti Kengashi qarori bilan o‘z faoliyatini boshlagan.
Kafedrada 23 nafar professor-o‘qituvchi mavjud bo‘lib, shundan 18 nafari asosiy shtatda faoliyat ko‘rsatadi. Kafedrada 1 nafar falsafa fanlari nomzodi, dotsent, 1 nafar yuridik fanlari bo‘yicha falsafa doktori (PhD), 2 nafar falsafa fanlari bo‘yicha falsafa doktori (PhD), 2 nafar katta o‘qituvchi, 13 nafar o‘qituvchi hamda 5 nafar o‘rindosh o‘qituvchi faoliyat yuritadi.
Kafedraning ilmiy salohiyati 23 foizni tashkil etadi. Kafedra professor-o‘qituvchilari falsafa, ma’naviyat asoslari, milliy g‘oya va huquq ta’limi yo‘nalishlarida o‘quv-uslubiy, ilmiy-tadqiqot hamda ma’naviy-ma’rifiy faoliyat olib bormoqda.
Bugungi kunda kafedra quyidagi bakalavriat va magistratura ta’lim yo‘nalishlarida talabalar hamda magistrantlarga ta’lim berib kelmoqda:
60112100 — Milliy g‘oya, ma’naviyat asoslari va huquq ta’limi.
70111102 — Ijtimoiy-gumanitar fanlarni o‘qitish metodikasi (huquq ta’limi).
70112101 — Ijtimoiy-gumanitar fanlarni o‘qitish metodikasi (milliy g‘oya, ma’naviyat asoslari).


















Falsafa, ma’naviyat asoslari va huquq ta’limi kafedrasi xorijiy oliy ta’lim tashkilotlari bilan samarali hamkorlik o‘rnatishni maqsad qilgan. Ushbu hamkorlik talaba va professor-o‘qituvchilar almashinuvi orqali ikki tomonlama tajriba almashishni yo‘lga qo‘yish, qo‘shma ta’lim dasturlarini ishlab chiqish va sifatli kadrlar tayyorlash imkoniyatlarini yaratishga xizmat qiladi.
Ilmiy-tadqiqot yo‘nalishida qo‘shma tadqiqot loyihalarini amalga oshirish, xalqaro konferensiyalar tashkil etish, ilmiy maqolalar chop etish, zamonaviy innovatsiyalarni o‘zlashtirish va ilg‘or tajribalarni amaliyotda qo‘llash hamkorlikning asosiy yo‘nalishlaridandir.
Hamkorlik doirasida masofaviy ta’lim va qo‘shma onlayn mashg‘ulotlarni rivojlantirish, talabalar va o‘qituvchilarning xorijiy ko‘nikmalarini oshirish, madaniy almashinuv dasturlarida ishtirok etish ko‘zda tutilgan. Bu ishlar institutning xalqaro maydondagi obro‘sini mustahkamlashga xizmat qiladi.
Top-300 oliygohlari qatoriga kiruvchi hamkor universitet.
Xitoyning Shimoli-g‘arbiy universiteti.
Qozon Federativ universitetining filiali.
Akademik va ilmiy hamkor oliy ta’lim muassasasi.
O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 4-iyuldagi PQ-200-son qarori 9-bandida belgilangan topshiriq ijrosini ta’minlash maqsadida Termiz davlat pedagogika instituti Pedagogika va ijtimoiy fanlar fakulteti Falsafa, ma’naviyat asoslari va huquq ta’limi kafedrasi hamda “ARES” ilmiy jurnali hamkorligida ilmiy tadbirlar tashkil etildi.
O‘zbekiston Respublikasi Oliy ta’lim, fan va innovatsiyalar vazirining 2024-yil 27-dekabrdagi 490-son buyrug‘i asosida 2026-yil 27–28-fevral kunlari “Yangi O‘zbekiston va ma’naviy yangilanishlar davri: fan va ta’lim-tarbiyaning dolzarb muammolari” mavzusidagi Respublika ilmiy-amaliy konferensiyasi o‘tkazildi.
Konferensiyada institut rektori, soha prorektorlari, vohamizdagi yetakchi professorlar hamda Respublikamizning 10 ga yaqin oliy ta’lim muassasalari va ilmiy markazlaridan 30 ga yaqin olim, shuningdek yosh tadqiqotchilar onlayn va oflayn tarzda ishtirok etdilar.
Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.
Yakuniy nazorat natijalari e’lon qilingandan so‘ng 24 soat ichida talabalar kafedra apellyatsiya komissiyasiga murojaat qilish imkoniyatiga ega. Bu jarayon baholashdagi noaniqliklarni bartaraf etish va talabalar fikrini inobatga olishga xizmat qiladi.
Talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi. Natijalar o‘rganilib, ta’lim sifatini oshirishga qaratilgan chora-tadbirlar ishlab chiqiladi.
Kafedra qoshida talabalarning sohaga bo‘lgan qiziqishlarini va ilmiy tadqiqot bilan shug‘ullanish ko‘nikmalarini oshirishga yo‘naltirilgan to‘garaklar tashkil etilgan. Ushbu to‘garaklar orqali talabalar:
To‘garaklar doirasida talabalar ishtirokida turli debatlar, tanlovlar va seminarlar o‘tkazilib, ularning yo‘nalishga doir bilimlarini real muhitda rivojlantirish imkoniyati yaratilmoqda.
Turi: fan to‘garagi
Rahbarlari: Z. Shamanova, J. Badalova
A’zolar soni: 53 nafar
Turi: ilmiy to‘garak
Rahbarlari: X. Patiyev, S. Bozorov
A’zolar soni: 46 nafar
Falsafa, ma’naviyat asoslari va huquq ta’limi kafedrasida ma’naviy-ma’rifiy ish rejasi ishlab chiqilgan va tasdiqlangan. Ish reja asosida belgilangan kunlarda barcha tadbirlar o‘z vaqtida o‘tkazilib, bayonnomalar rasmiylashtirilgan. 2025–2026-o‘quv yillarida amalga oshirilishi belgilangan “Yo‘l xaritasi” vazifalari reja asosida bajarilmoqda.
Kafedrada yoshlarni madaniyat, san’at, jismoniy tarbiya va sportga keng jalb etish, axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish va xotin-qizlar bandligini ta’minlashga qaratilgan “Besh muhim tashabbus” bo‘yicha keng ishlar olib borilmoqda. Yoshlarni Vatanga, oilaga va mustaqillik g‘oyalariga muhabbat va sadoqat, milliy hamda umuminsoniy qadriyatlarga hurmat ruhida tarbiyalashga alohida e’tibor qaratiladi.
Milliy g‘oya, ma’naviyat asoslari va huquq ta’limi yo‘nalishi talabalaridan iborat fakultetning “Turkiston jamoasi” “Ma’rifat maydoni” ko‘rik-tanlovining institut va viloyat bosqichlarida faxrli o‘rinlarni egallab, respublika bosqichida ham munosib qatnashib kelmoqda.
Yo‘nalishning 3-kurs 23-01-guruh talabalari bilan “Huquqni muhofaza qiluvchi organlar” fani yuzasidan “O‘zbekiston Respublikasida sudlarning tuzilishi va sudyalar maqomi” mavzusida ochiq-amaliy mashg‘ulot o‘tkazish maqsadida Fuqarolik ishlari bo‘yicha Termiz tumanlararo sudiga tashrif uyushtirildi.
Kafedra o‘qituvchilari M. Hakimova, Z. Shamanova hamda Z. Aliyeva Surxondaryo viloyati yuridik texnikumiga tashrif buyurib, mahorat darsi tashkil etdilar. Mashg‘ulot texnikumning “Davlat-huquqiy faoliyati” yo‘nalishi I-bosqich talabalari uchun “Konstitutsiyaviy huquq” fanidan “O‘zbekiston Respublikasining Oliy Majlisi” mavzusida olib borildi. Dars jarayonida “Mozaika”, “Mo‘jizalar maydoni” hamda “Brainstorming” kabi interfaol metodlardan samarali foydalanildi.
Kafedra va institut yoshlar ittifoqi hamkorligida 2025-yil 20-noyabr — “Butunjahon Falsafa kuni” munosabati bilan “Falsafa — olamni anglash san’ati!” shiori ostida ma’naviy-ma’rifiy bayram tadbiri o‘tkazildi.
Falsafa, ma’naviyat asoslari va huquq ta’limi kafedralari bilan hamkorlikda O‘zbekiston Respublikasi Davlat bayrog‘ining 34-yilligi munosabati bilan “Mag‘rur hilpira bayrog‘im” nomli ma’naviy-ma’rifiy tadbir tashkil etildi.