2026-yil 25-sentabr kuni Termiz davlat pedagogika institutida bitiruvchi 4-bosqich talabalari uchun “Tadbirkorlik asoslari” fani doirasida soha mutaxassislari bilan navbatdagi uchraşuv tashkil etildi.

“Tadbirkor qanday soliqlar to’laydi va iste’molchi huquqlari” mavzusidagi uchraşuvda viloyat soliq inspeksiyasi bo'lim boshlig'i N.Hakimov, Monopoliyaga qarşi kurashish va raqobatni rivojlantirish boshqarmasi bo'lim boshlig'i H.Mustafoqulov, iste’molchilar huquqlarini himoya qilish bo'limi boşlig'i H.Yo'ldoshev hamda institut Talabalar amaliyoti bo'limi vakillari, “Tadbirkorlik asoslari” fani o'qituvçilari iştirok etdilar.
Muloqot davomida talabalarga tadbirkorlik faoliyatida soliqlar, soliq imtiyozlari, iste’molchilar huquqlari va ularni himoya qilish mexanizmlari haqida ma’lumot berildi. Institut rahbariyati vakillari hamda bitiruvchi bosqich talabalari ishtirok etdi. Tadbirda jami 100 nafar talaba qatnashdi.

Uchrashuv davomida ta’lim sohasida yosh mutaxassislar uchun yaratilayotgan imkoniyatlar, kredit olish tartibi hamda “Yosh tadbirkor” ijtimoiy soliq to’lab o’zini-o’zi band qilgan bitiruvchilar uchun, kredit summasi 20 mln so’mgacha, kredit muddati 18 oygacha, imtiyozli davri 3 oygacha, Markaziy bank asosiy stavkasi +1% sug’urta polisi uchun to’lov kredit summasidan chegirib qolish sharti bilan kredit berilishini tushuntirib o’tildi.

Tadbir yakunida talabalar o‘zlarini qiziqtirgan masalalar yuzasidan mutaxassislar bilan bevosita muloqot qilib, kerakli tavsiya va yo‘nalishlarga ega bo‘ldi.

Ta’kidlash joizki, bunday tadbirlar yosh mutaxassislarni ish bilan ta’minlash, ularning kasbiy faoliyatga tayyorgarligini oshirish hamda oliy ta’lim muassasasi va tadbirkorlar o‘rtasidagi hamkorlikni mustahkamlashda muhim ahamiyat kasb etadi.