Toshpulatov Faxriddin Urolovich
Pedagogika fanlari bo‘yicha falsafa doktori (PhD), professor
Tasviriy san’at kafedrasi O‘zbekiston Respublikasi Prezidentining 2022-yil 21-iyundagi PQ-289-son qarori bilan Termiz davlat pedagogika instituti tashkil etilgach, institut Kengashining 2022-yil 27-avgustdagi 1-sonli bayonnomasiga asosan tuzilmaga kiritildi. Kafedra dastlab “Tasviriy san’at va muhandislik grafikasi” deb nomlandi va 2022-yil 5-sentabrdan 7 nafar professor-o‘qituvchi bilan faoliyat boshladi.
2022–2024-yil sentabrgacha kafedrani dotsent Chori Xolmurodovich Sadatov boshqardi. 2024-yil 4-sentabrdan kafedra Jismoniy madaniyat va san’at fakulteti tarkibida “Tasviriy san’at” nomi bilan faoliyatini davom ettirdi. 2024–2025-o‘quv yilida kafedraga PhD, dotsent Anvar Ergashovich Turaqulov rahbarlik qildi. 2025-yil sentabrdan kafedrani pedagogika fanlari doktori, professor Faxriddin Urolovich Toshpulatov boshqarib kelmoqda.
Kafedrada 9 nafar professor-o‘qituvchi asosiy shtatda faoliyat yuritadi. Ular orasida professor, dotsentlar, katta o‘qituvchilar va o‘qituvchilar mavjud. Bundan tashqari, kafedra kabinet mudiri ham faoliyat olib boradi. Kafedraning ilmiy salohiyati 22,22 foizni tashkil etadi.
Bugungi kunda kafedra quyidagi ta’lim yo‘nalishlarida faoliyat olib boradi:
60110500 – Tasviriy san’at va muhandislik grafikasi
70110502 – Muhandislik grafikasi va dizayn nazariyasi
2025–2026-o‘quv yillari mobaynida kafedra professor-o‘qituvchilari tomonidan 4 ta darslik, 2 ta o‘quv qo‘llanma, 3 ta monografiya, 100 ga yaqin ilmiy maqola va tezislar chop ettirilgan. Shuningdek, dunyoning nufuzli yuqori impakt-faktorli bazalari — Scopus va Web of Science jurnallarida 10 dan ortiq maqola hamda bitta DGU nashr etilgan.
Termiz davlat pedagogika institutida O‘zbekiston Respublikasi Prezidentining 2022-yil 21-iyundagi “Pedagogika ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari” to‘g‘risidagi qarori asosida samarali ishlar amalga oshirib kelinmoqda.
Tasviriy san’at kafedrasi xorijiy oliy ta’lim tashkilotlari bilan samarali hamkorlik o‘rnatishni maqsad qilgan. Ushbu hamkorlik talaba va professor-o‘qituvchilar almashinuvi orqali ikki tomonlama tajriba almashish, qo‘shma ta’lim dasturlarini ishlab chiqish va sifatli kadrlar tayyorlash imkoniyatlarini yaratishga xizmat qiladi.
Ilmiy-tadqiqot yo‘nalishidagi hamkorlik orqali qo‘shma loyihalarni amalga oshirish, xalqaro miqyosdagi konferensiyalarni tashkil etish va ilmiy maqolalarni chop etish rejalashtirilgan. Zamonaviy innovatsiyalarni o‘zlashtirish, ilg‘or tajribalarni amaliyotga qo‘llash, yangi texnologiyalarni o‘rganish, masofaviy ta’lim hamda qo‘shma onlayn mashg‘ulotlarni tashkil etish ham asosiy yo‘nalishlardan biridir.
Madaniy almashinuv dasturlari orqali talabalar va o‘qituvchilarning xorijiy ko‘nikmalarini rivojlantirish ko‘zda tutilgan. Xalqaro hamkorlik ta’lim sifati va ilmiy salohiyatni oshirish bilan birga, institutning xalqaro maydondagi obro‘sini mustahkamlashga xizmat qiladi.
Abay nomidagi Qozog‘iston davlat pedagogika universiteti
2024-yil 22–23-noyabr kunlari Termiz davlat pedagogika institutida “Tasviriy san’at va muhandislik grafikasini zamonaviy dasturlar asosida o‘qitish istiqbollari” mavzusida xalqaro ilmiy-amaliy konferensiya o‘tkazildi. Anjumanda respublika va xorijiy oliy ta’lim muassasalari professor-o‘qituvchilari, olimlar, tadqiqotchilar va talabalar ishtirok etdi.
Konferensiyada zamonaviy pedagogik texnologiyalar, tasviriy san’at va muhandislik grafikasini o‘qitish metodikasi, amaliy san’at, dizayn, ilmiy izlanishlar va talabalar ijodiy faoliyatini rivojlantirish masalalari muhokama qilindi. Anjuman doirasida 76 ta ilmiy maqola va tezis, 12 ta yangi mavzu hamda 5 ta asosiy yo‘nalish qamrab olindi.
Tasviriy san’at kafedrasida talabalar hayoti ta’lim jarayoni bilan cheklanmaydi. Talabalar ijodiy-amaliy mashg‘ulotlar, maket va dizayn loyihalari, ko‘rgazmalar, ustoz-shogird uchrashuvlari, pedagogik amaliyot hamda ma’naviy-ma’rifiy tadbirlarda faol ishtirok etadilar. Bu muhit ularning kasbiy kompetensiyasi, estetik didi, fazoviy va mantiqiy fikrlashi, jamoada ishlashi hamda o‘z g‘oyasini taqdim etish ko‘nikmalarini rivojlantiradi.
Ta’lim, amaliyot, ma’naviy qo‘llab-quvvatlash va yutuqlar uyg‘unligi asosida talabalar uchun zamonaviy ijodiy muhit yaratilgan. Ta’lim muassasalariga amaliy tashriflar, talabalar turar joyidagi uchrashuvlar, iqtidorli talabalarni e’tirof etish, ijodiy ishlarni kasbiy chiqish va taqdimotga tayyorlash shular jumlasidandir.
Tasviriy san’at kafedrasida 7 ta to‘garak tashkil etilgan bo‘lib, ularga 110 dan ortiq talaba qamrab olingan. To‘garaklar kompyuter grafikasi, yosh dizaynerlar, tasviriy san’at, amaliy bezak san’ati, ijodiy loyihalar va naqshinkorlik kabi yo‘nalishlarda faoliyat olib boradi. Mashg‘ulotlar bo‘sh vaqtni mazmunli tashkil etish, kasbiy va ijodiy kompetensiyalarni rivojlantirish, tanlov va ko‘rgazmalarga tayyorlashga qaratilgan.
Tasviriy san’at kafedrasida ma’naviy-ma’rifiy ishlar tasdiqlangan reja va 2025–2026-o‘quv yiliga mo‘ljallangan yo‘l xaritasi asosida tizimli ravishda olib boriladi. Tadbirlar yoshlarning ma’naviy dunyoqarashini boyitish, milliy va umuminsoniy qadriyatlarga hurmatini mustahkamlash, ijodiy tafakkuri hamda kasbiy mas’uliyatini rivojlantirishga qaratilgan.
60110500 – Tasviriy san’at va muhandislik grafikasi hamda 70110502 – Muhandislik grafikasi va dizayn nazariyasi yo‘nalishlari talabalari uchun 4+2 amaliyoti nazariy tayyorgarlikni real ta’lim muhiti bilan bog‘laydi. Talabalar haftaning to‘rt kunida oliy ta’lim muassasasida tahsil olib, ikki kuni hamkor maktab va ta’lim tashkilotlarida dars kuzatish, pedagogik tahlil, ko‘rgazmali vositalar tayyorlash, chizma va tasviriy san’at mashg‘ulotlarini tashkil etish bo‘yicha amaliy tajriba orttiradilar.
Natija: pedagogik mahorat, ijodiy fikrlash, jamoada ishlash, raqamli savodxonlik, loyiha yaratish va refleksiv tahlil kompetensiyalari rivojlanadi.