Umumiy ma’lumot
2025/2026-o‘quv yilida Termiz davlat pedagogika institutini jami 3 560 nafar bitiruvchilardan, 3 523 nafari institutni muvaffaqiyatli tamomladi.
37 nafar talaba belgilangan tartibda talabalar safidan chetlatilgan.
Hozirgi kunda 2025/2026-o‘quv yilida institutni tamomlagan 3 523 nafar bitiruvchining 1 816 nafari, ya’ni qariyb 52 foizining bandligi ta’minlangan.
Asosiy ko‘rsatkichlar
3 560 Bitirishi rejalashtirilgan talabalar
3 523 Institutni tamomlagan bitiruvchilar
1 816 Bandligi ta’minlangan bitiruvchilar
934 Bandligi ta’minlanayotgan bitiruvchilar
Bitiruvchilarning bandlik holati
Bandligi ta’minlangan
1 816 nafar
Jami bitiruvchilarning 52 foizi
Bandligi ta’minlanayotgan
934 nafar
Jami bitiruvchilarning 26 foizi
Alohida toifadagi bitiruvchilar
773 nafar
Bola parvarishida bo‘lgan, nogironligi mavjud va o‘zini o‘zi band qilgan bitiruvchilar
Alohida toifadagi bitiruvchilar
422 nafar Ikki yoshgacha bola parvarishida bo‘lgan xotin-qizlar
28 nafar I–II guruh nogironligi bo‘lgan bitiruvchilar
323 nafar O‘zini o‘zi band qilgan bitiruvchilar
773 nafar Alohida toifalarning umumiy soni
Bitiruvchilar bandligini ta’minlash bo‘yicha amalga oshirilayotgan ishlar
- Bitiruvchilar bilan muntazam muloqot o‘rnatilib, ular doimiy yashash hududlari bo‘yicha umumiy o‘rta ta’lim maktablaridagi mavjud ish o‘rinlariga yo‘naltirilmoqda.
- Ish bilan band bo‘lmagan bitiruvchilarning manzilli ro‘yxati shakllantirilib, ularning doimiy yashash manzillaridagi hokimliklar va bandlik idoralari bilan hamkorlikda ishga joylashtirish choralari ko‘rilmoqda.
- Korxona va tashkilotlar bilan hamkorlikda bitiruvchilar uchun mavjud bo‘sh ish o‘rinlari to‘g‘risidagi ma’lumotlar to‘planib, ularga yetkazib borilmoqda.
- Har oy korxona va tashkilotlar vakillari ishtirokida “Karyera kuni” mehnat yarmarkalari va amaliy “Workshop”lar tashkil etilmoqda.
- Mehnat yarmarkalari orqali talabalar va bitiruvchilarning ish beruvchilar bilan bevosita muloqot qilishi hamda munosib ish o‘rinlarini tanlashiga ko‘maklashilmoqda.
- Institutda bitiruvchilar bandligini ta’minlash bo‘yicha manzilli “Yo‘l xaritasi” ishlab chiqilib, uning ijrosi doimiy nazoratga olingan.
“Kelajak tadbirkori” dasturi doirasidagi ishlar
Imtiyozli kredit ajratilgan bitiruvchilar
42 nafar
Tadbirkorlik faoliyatini boshlash va rivojlantirish maqsadida bitiruvchilarga imtiyozli kredit mablag‘lari ajratildi.
Ajratilgan kredit miqdori
807 mln so‘m
“Kelajak tadbirkori” dasturi doirasida bitiruvchilarning loyihalarini moliyalashtirishga yo‘naltirildi.
Bankka taqdim etilgan loyihalar
31 ta
Qo‘shimcha moliyalashtirish uchun loyihalar “O‘zmilliybank” aksiyadorlik jamiyatiga taqdim etildi.
Bandligi ta’minlanayotgan bitiruvchilar
934 nafar
Ularni ishga joylashtirish bo‘yicha hududiy hokimliklar, bandlik idoralari va ish beruvchilar bilan hamkorlik ishlari davom ettirilmoqda.
Yakuniy ma’lumot
Termiz davlat pedagogika institutida bitiruvchilarning bandligini ta’minlash, ularni munosib ish o‘rinlariga yo‘naltirish, tadbirkorlik tashabbuslarini qo‘llab-quvvatlash va mehnat bozori talablariga moslashtirish ishlari tizimli ravishda amalga oshirilmoqda.
Bandligi hozircha ta’minlanmagan bitiruvchilar bilan manzilli ishlash, ularni ish beruvchilar bilan bog‘lash va doimiy ish o‘rinlariga joylashtirish choralari davom ettiriladi.