Biologiya — bakalavriat
Bitiruvchilar umumta’lim maktablari, akademik litsey va kollejlarda pedagogik faoliyat olib borishi, ilmiy-tadqiqot institutlarida kichik ilmiy xodim sifatida ishlashi mumkin.

Kafedra mudiri, kimyo fanlari doktori (DSc), professor
Kimyo-biologiya kafedrasida 26 nafar professor-o‘qituvchi mavjud bo‘lib, ulardan 12 nafari asosiy shtatda faoliyat ko‘rsatadi. Kafedrada 6 nafar fan doktori (DSc), 4 nafar falsafa doktori (PhD), 1 nafar katta o‘qituvchi, 1 nafar o‘qituvchi hamda o‘rindosh professor-o‘qituvchilar faoliyat yuritmoqda.
Kafedraning ilmiy salohiyati 67 foizni tashkil etadi. O‘quv jarayoniga yuqori ilmiy salohiyatga ega xorijiy professor-o‘qituvchilar ham jalb qilingan. Jumladan, Texas texnika universiteti professori, biologiya fanlari doktori Raviprakash Gavindro Dani, Al-Farobiy nomidagi Qozog‘iston Milliy universiteti professori Abduali Baeshov hamda Jiangsu universiteti professori Abul Monsur Showkot Hossain magistratura talabalariga mashg‘ulotlar olib bormoqda va hamkorlikda ilmiy tadqiqotlar amalga oshirilmoqda.
Kafedrada olib borilayotgan ilmiy-tadqiqot ishlarida doktorantlar, magistrantlar va bakalavr talabalar faol ishtirok etadi.
Kafedra bakalavriat, magistratura va tayanch doktorantura bosqichlarida kimyo, biologiya, ularni o‘qitish metodikasi hamda ekologiya yo‘nalishlarida mutaxassislar tayyorlaydi.
Bitiruvchilar umumta’lim maktablari, akademik litsey va kollejlarda pedagogik faoliyat olib borishi, ilmiy-tadqiqot institutlarida kichik ilmiy xodim sifatida ishlashi mumkin.
Bitiruvchilar umumta’lim maktablari, akademik litsey va kollejlarda pedagogik faoliyat olib borishi, ilmiy-tadqiqot institutlarida kichik ilmiy xodim sifatida ishlashi mumkin.
Mutaxassislar oliy ta’lim va malaka oshirish muassasalarida pedagogik, ilmiy-tadqiqot institutlarida esa ilmiy faoliyat bilan shug‘ullanishi mumkin.
Mutaxassislar oliy ta’lim va malaka oshirish muassasalarida pedagogik, ilmiy-tadqiqot institutlarida esa ilmiy faoliyat bilan shug‘ullanishi mumkin.
Organik kimyo, organik sintez, polimerlar kimyosi va organik materiallar yo‘nalishida fundamental hamda amaliy tadqiqotlar olib boriladi.
Atrof-muhit muhofazasi, ekologiya va tabiiy resurslardan oqilona foydalanish yo‘nalishida ilmiy tadqiqotlar amalga oshiriladi.
Botanika va zoologiya fanlaridan 1–2-kurs talabalariga o‘quv-dala amaliyoti tashkil etiladi. Amaliyot nazariy bilimlarni mustahkamlash va nazariya bilan amaliyot uyg‘unligini ta’minlashga xizmat qiladi. Tajribali professor-o‘qituvchilar rahbarligida talabalar Surxondaryo viloyati Oltinsoy tumanining biotsenozlariga ekskursiyalar uyushtiradi, zarur namunalarni yig‘adi va amaliy ko‘nikmalarini rivojlantiradi.









Kafedra qoshida “Kimyo va atrof-muhit muhofazasi” ilmiy laboratoriyasi faoliyat yuritadi. Laboratoriyada kimyo va biologiyaning quyidagi yo‘nalishlari bo‘yicha ilmiy tadqiqotlar olib boriladi:
Kimyo-biologiya kafedrasi xorijiy oliy ta’lim va ilmiy-tadqiqot muassasalari bilan o‘zaro manfaatli va barqaror hamkorlikni rivojlantirishni ustuvor vazifalaridan biri sifatida belgilaydi. Hamkorlik kimyo, biologiya, ekologiya hamda ularni o‘qitish metodikasi yo‘nalishlarida ta’lim sifati va ilmiy salohiyatni yuksaltirish, ilg‘or xalqaro tajribalarni ta’lim va ilmiy-tadqiqot jarayoniga tatbiq etishga qaratilgan.
Hamkorlik doirasida professor-o‘qituvchilar, doktorantlar va talabalarning akademik mobilligi, qisqa muddatli stajirovkalar, malaka oshirish dasturlari va akademik almashinuvlar tashkil etiladi. Kimyo, biologiya va ekologiya fanlari hamda ularni o‘qitish metodikasi bo‘yicha qo‘shma ta’lim dasturlari, zamonaviy o‘quv-metodik materiallar va innovatsion loyihalarni ishlab chiqishga alohida e’tibor qaratiladi.
Ilmiy hamkorlikni mustahkamlash maqsadida qo‘shma tadqiqotlar, xalqaro konferensiyalar, seminar va vebinarlar tashkil etish, Scopus va Web of Science bazalarida indekslanuvchi jurnallarda hammualliflikdagi maqolalar chop etish hamda xalqaro grant loyihalarida ishtirok etish ko‘zda tutilgan.
Zamonaviy laboratoriya texnologiyalari, raqamli ta’lim resurslari, virtual laboratoriyalar va sun’iy intellektga asoslangan o‘qitish vositalarini o‘rganish hamda ularni ta’lim jarayoniga joriy etish hamkorlikning muhim yo‘nalishidir. Masofaviy ta’lim, qo‘shma onlayn kurslar va ochiq ta’lim platformalari orqali talabalar uchun xalqaro ta’lim muhiti shakllantiriladi.
Talabalar va professor-o‘qituvchilarni xalqaro konferensiyalardan xabardor qilib borish maqsadida “TerDPI_Xalqaro ilmiy-amaliy konferensiya” Telegram kanali tashkil etilgan.
Haqberdiyeva Shoira Tursunaliyevna “Kompetensiyaviy yondashuv asosida biologiyani o‘qitish metodikasini takomillashtirish (7–8-sinflar misolida)” mavzusidagi dissertatsiyasini 2024-yil 13-dekabrda muvaffaqiyatli himoya qildi.
2025-yil 24–25-oktabr kunlari “Kimyo va biologiya fanlarining dolzarb masalalari va zamonaviy tendensiyalari” mavzusidagi xalqaro ilmiy-amaliy konferensiya o‘tkazildi.
Konferensiyada 510 ta ilmiy maqola qabul qilindi. Ularning 63 tasi xorijiy olimlar, tadqiqotchilar va soha mutaxassislari tomonidan yuborildi. Anjumanni institut rektori, pedagogika fanlari doktori, professor Azizbek Baxtiyorovich Xasanov kirish va tabrik so‘zi bilan ochdi.



2024–2026-yillar davomida kafedra professor-o‘qituvchilari tomonidan 2 ta darslik, 6 ta o‘quv qo‘llanma, 4 ta monografiya hamda 210 ga yaqin ilmiy maqola va tezis chop etildi. Ilmiy ishlarning bir qismi SCOPUS va Web of Science kabi nufuzli xalqaro bazalarda indekslanuvchi jurnallarda nashr etilgan.








2026-yil 25–29-yanvar kunlari Buxoro davlat universitetida “Bukhara International Mathematics Olympiad — 2026” hamda “Bukhara International Chemistry Olympiad — 2026” xalqaro olimpiadalari o‘tkazildi.
3-o‘rin sohibi.
3-o‘rin sohibi.
Kafedrada kadrlar tayyorlash va ta’lim sifatini oshirish maqsadida xalqaro darajadagi mutaxassislar dars mashg‘ulotlariga jalb etilgan. Texas texnika universiteti professori Raviprakash Gavindro Dani biologiya yo‘nalishi talabalariga; Jiangsu universiteti professori Abul Monsur Showkot Hossain, Al-Farobiy nomidagi Qozog‘iston Milliy universiteti professorlari Turmuxanova Mirgul, Baeshov Abduali va Baeshova Ajar kimyo yo‘nalishi talabalariga; Belarus Milliy fanlar akademiyasi Fizik va organik kimyo instituti katta ilmiy xodimi Tatyana Aleksandrovna Gleviskaya esa kimyo yo‘nalishi talabalariga ma’ruza mashg‘ulotlari olib bordi.
Ta’lim sifatini oshirish, xorijiy tajribani o‘rganish va ilmiy-metodik salohiyatni mustahkamlash maqsadida kafedra professor-o‘qituvchilari Qozon federal universitetida malaka oshirish kurslarida ishtirok etib, zamonaviy pedagogik yondashuvlar, innovatsion texnologiyalar, fanlararo integratsiya va xalqaro baholash tizimlari bo‘yicha amaliy ko‘nikmalarni egalladi.





2023-yil 25–26-noyabr kunlari “Biologiyaning zamonaviy tendensiyalari: muammolar va yechimlar” mavzusidagi respublika ilmiy-amaliy konferensiyasi tashkil etildi.
2025-yil 7–8-fevral kunlari “Kolloid kimyo: kimyoviy texnologiya, ekologiya va sanoat uchun innovatsiyalar va yechimlar” mavzusidagi xalqaro ilmiy-amaliy konferensiya o‘tkazildi.
Konferensiyaning maqsadi kolloid kimyo sohasida bilim va tajriba almashinuvini rivojlantirish, fan bilan amaliyot o‘rtasidagi aloqalarni mustahkamlash, kimyoviy texnologiyalar va “yashil” ekologiya tamoyillariga mos yechimlarni muhokama qilishdan iborat. Ishtirokchilar dolzarb masalalarni muhokama qilish, tadqiqot natijalarini taqdim etish va yangi hamkorlik yo‘llarini belgilash imkoniga ega bo‘ldi.





2025–2026-o‘quv yili davomida talabalar ishtirokida qator bayram va muhim sanalarga bag‘ishlangan ma’naviy-ma’rifiy tadbirlar tashkil etildi. Tadbirlar talabalarning vatanparvarlik tuyg‘ularini mustahkamlash, milliy qadriyatlarni anglash va asrab-avaylashga xizmat qildi.
O‘qituvchi va murabbiylar kuni munosabati bilan ustozlarga bag‘ishlangan badiiy-ma’rifiy kecha tashkil etildi.
Butunjahon OITSga qarshi kurashish kuni munosabati bilan davra suhbati tashkil etildi.
O‘zbekiston Respublikasi Konstitutsiyasi kuni munosabati bilan huquqiy-ma’rifiy suhbatlar, insholar tanlovi va sahna ko‘rinishlari o‘tkazildi.
Vatan himoyachilari kuni doirasida “Vatan — muqaddas, uni himoya qilish sharafdir” mavzusida davra suhbati va videorolik namoyishi o‘tkazildi.
Xalqaro xotin-qizlar kuni munosabati bilan “Ayol — baxt, ayol — mehr, ayol — hayot” shiori ostida musiqiy-badiiy tadbir uyushtirildi.
Milliy qadriyatlarni aks ettiruvchi ko‘rik-tanlovlar, milliy taomlar yarmarkasi, sport musobaqalari va konsert dasturi tashkil etildi.
Barcha tadbirlar talabalar faolligi, ijodiy yondashuvi va vatanparvarlik ruhida o‘tdi. Professor-o‘qituvchilar ham faol ishtirok etib, yoshlar ongida milliy g‘urur, hurmat va e’tiqod tuyg‘ularini shakllantirishga alohida e’tibor qaratdi.