Xalqaro aloqalar bo'limi

Xalqaro bo'lim boshlig'i: Eshmuratov Umidjon Temurovich

Telefon: +998949222717

e-mail: tspi.interaffairs@umail.uz

Telegram: @libra448

Qabul vaqti: Seshanba, payshanba, juma soat 10:00 dan 12:00 gacha

Termiz davlat pedagogika instituti Xalqaro hamkorlik bo‘limi

NIZOMI

I bob. Umumiy qoidalar

1.Termiz davlat pedagogika institutida tuzilgan xalqaro hamkorlik bo‘limi (XHB) oliy ta’lim muassasasi xalqaro hamkorligiga oid masalalarni ko‘rib chiqadi.

2.Bo‘lim faoliyati oliy ta’lim muassasasi xalqaro aloqalarini rivojlantirishga hamda oliy ta’lim muassasasi o‘quv-metodik va ilmiy-tadqiqot ishlarida jahon tajribasidan samarali foydalanishga yo‘naltirilgan.

II bob Asosiy vazifalari va funksiyalari

3.Xalqaro hamkorlik bo‘limi:

Termiz davlat pedagogika instituti xalqaro hamkorlik Kengashi tomonidan ishlab chiqilgan xalqaro hamkorlik strategiyasi yo‘nalishlari hamda Kengash taklif etgan rivojlantirish bo‘yicha masalalarni amalga oshiradi;

Xalqaro hamkorlik Kengashiga hamkorlikni takomillashtirishga qaratilgan o‘z takliflarini taqdim etadi;

Har oyda hamkorlik Kengashiga bo‘limda bajarilgan ishlar yuzasidan hisobot topshiradi;

Xorijga yuborilgan professor-o‘qituvchilar, doktorantlar hamda talabalar tomonidan taqdim etilgan hisobot, ma’lumotlarni qabul qilib oladi, tahlil qiladi, umumlashtirib Xalqaro hamkorlik Kengashiga taqdim etadi;

O‘zbekiston madaniyati va san’ati forumi jamg‘armasi, «Mehr nuri» jamg‘armasi tomonidan ta’sis etilgan ta’lim grantlari dasturida talabalarning ishtirokini ta’minlaydi;

Termiz davlat pedagogika instituti fakulteti, kafedralari va bo‘limlarining xorijiy davlat va nodavlat tashkilotlari, xalqaro tashkilotlar tomonidan ta’sis etilayotgan loyiha dasturlarda professor-o‘qituvchilar hamda talabalarning ishtirokini ta’minlaydi, nazoratni amalga oshiradi; shuningdek fakultet kafedra va bo‘limlarga ushbu loyihalarni amalga oshirishda har tomonlama va atroflicha yordam beradi;

Bo‘limning boshqa oliy ta’lim muassasalari bilan o‘rnatgan aloqalar jarayoniga Termiz davlat pedagogika instituti talabalarini jalb etish.

III bob. Huquq va kafolatlari

4. Termiz davlat pedagogika instituti xalqaro hamkorlik bo‘limi huquq va kafolatlari:

Xalqaro hamkorlik Kengashi tomonidan qabul qilingan shartnoma yoki qarorlar ijrosida bevosita ishtirok etadi;

Professor-o‘qituvchilar hamda talabalarni chet elda o‘qish, malaka oshirish, stajirovka o‘tash, ilmiy izlanishlar o‘tkazish va ilmiy-amaliy konferensiyalarda qatnashish uchun yuborishga tavsiya berish masalalari bilan shug‘ullanadi;

Chet elda o‘qish yoki malaka oshirish uchun jo‘natiladigan nomzodlarni Kengashga tavsiya etadi.

IV bob. Xalqaro hamkorlik bo‘limi tarkibi

5. Xalqaro hamkorlik bo‘limi quyidagi tarkibdan iborat:

Bo‘lim boshlig‘i;

Uslubiyotchi;

Bo‘lim tarkibi muassasa rektori tomonidan tasdiqlanadi.

V bob. Xalqaro hamkorlik bo‘limi boshlig‘ining funksional vazifalari

Xalqaro hamkorlik bo‘limida amalga oshiriladigan ishlarga umumiy rahbarlik qilish, bo‘lim xodimlarining faoliyati uchun yetarli shart-sharoit yaratib berish;

Xorijga borishga tavsiya etilgan Professor-o‘qituvchilar hamda talabalar nomzodlarini oliy ta’lim va boshqa idoralar bilan muvofiqlashtirgan holda muassasa rahbariyatiga rasmiylashtirib taqdim etish;

Termiz davlat pedagogika institutida muayyan munosabatlarga bag‘ishlab o‘tkaziladigan tadbirlarda xorijliklarning ishtirok etishini tashkillashtirish;

O‘zbekiston Respublikasi oliy va o‘rta maxsus ta’lim vazirligi, Tashqi ishlar vazirligi va boshqa idoralardan Termiz davlat pedagogika institutida xalqaro aloqalarga doir so‘rovlar va ko‘rsatmalariga o‘z vaqtida javoblar tayyorlash va yuborilishini nazorat qilish; Termiz davlat pedagogika instituti va xorijiy oliy ta’lim muassasalari o‘rtasida imzolangan hamkorlik hujjatlarini tayyorlash, tegishli idoralar bilan muvofiqlashtirish.

VI bob. Xalqaro hamkorlik bo‘limi uslubiyotchisining funksional

vazifalari

Xorijga safarga yuboriladigan professor-o‘qituvchilar, doktorantlar, xodimlar hamda talabalarning hujjatlarini belgilangan tartibda hozirlash va tegishli buyruq loyihasini tayyorlash;

Bo‘lim faoliyati to‘g‘risida oylik, chorak, yarim yillik va bir yillik hisobotlarini tayyorlash va tasdiqlash uchun rahbariyatga taqdim etish;

Termiz davlat pedagogika institutiga keladigan xorijiy delegatsiyalarning tashrif dasturini tayyorlash va uni amalga oshirilishida ishtirok etish.

Termiz davlat pedagogika instituti rahbariyati bilan uchrashuvga keladigan xorijlik mehmonlarni kutib olish va hamrohlik qilish;

Termiz davlat pedagogika institutiga faoliyat ko‘rsatishga keladigan xorijlik professor-o‘qituvchilar, stajyorlar va tahsil olish istagini bildirgan xorijlik fuqarolarni taklif etish, hujjatlarini belgilangan tartib asosida tayyorlash hamda tegishli idoralar bilan muvofiqlashtirish va rasmiylashtirish .

VII bob. Xalqaro hamkorlik bo‘limining ish tartibi

Bo‘lim majlisi har oyda bir marotaba o‘tkaziladi va majlis bayonnomasi shaklida rasmiylashtiriladi;

Bo‘lim qarorlari ochiq ovoz berish yo‘li bilan qabul qilinadi;

Bo‘lim majlisi bayonnomasi bo‘lim boshlig‘i tomonidan imzolanadi;

Bo‘limning tugatilishi yoki tashkil etilishi masalalarini Kengash ko‘rib chiqadi va muassasa direktorining buyrug‘i bilan amalga oshiriladi.
VIII bob. Xalqaro hamkorlik bo‘limining tugatilishi
6. Termiz davlat pedagogika instituti xalqaro hamkorlik bo‘limiga tegishli idoralar buyrug‘i bilan tugatiladi va qayta tashkil etiladi.
2. Xalqaro hamkor tashkilotlar:
Termiz davlat pedagogika institutida hozirga qadar 9 ta xorijiy OTMlar va boshqalar bilan shartnoma va memorandumlar imzolangan.
Jumladan: Rossiya Federatsiyasining 4 ta, Qozog‘istonning 2 ta, Belorusiyaning 1 ta, Tojikistonning 2ta OTMlari hamda Afg’oniston fuqorolarini o‘qitish ta’lim markazi bilan hamkorlik shartnomasi imzolangan.