Ushbu sahifada Termiz davlat pedagogika institutida xorijiy fuqarolarni o‘qitish bo‘yicha 2026–2027-o‘quv yilidan boshlab belgilangan to‘lov-kontrakt miqdorlari yuzasidan ma’lumotlar joylashtiriladi.
O‘zbekiston Respublikasi oliy ta’lim tizimini xalqaro darajada rivojlantirish, xorijiy fuqarolarni oliy ta’lim muassasalariga keng jalb etish hamda ta’lim xizmatlari eksporti hajmini oshirish borasida amalga oshirilayotgan islohotlar doirasida Termiz davlat pedagogika institutida ham qator tizimli ishlar amalga oshirilmoqda.
Xususan, institutning xalqaro hamkorlik faoliyatini rivojlantirish, xorijiy talabalarni jalb etish bo‘yicha olib borilgan targ‘ibot ishlari, xalqaro ta’lim ko‘rgazmalaridagi ishtiroki hamda xorijiy oliy ta’lim muassasalari bilan yo‘lga qo‘yilgan hamkorlik aloqalarining natijadorligi hisobga olinib, 2026-yil 25-may kuni o‘tkazilgan Termiz davlat pedagogika instituti Kengashining qaroriga muvofiq, 2026–2027-o‘quv yili uchun xorijiy fuqarolarni o‘qitish bo‘yicha to‘lov-kontrakt miqdorlari qayta ko‘rib chiqildi.
Mazkur qarorga asosan, 2026–2027-o‘quv yilidan boshlab xorijiy fuqarolar uchun to‘lov-kontrakt miqdori quyidagi tartibda belgilandi:
| № | Ta’lim bosqichi | To‘lov-kontrakt miqdori | Amal qilish davri | Asos |
|---|---|---|---|---|
| 1 | Bakalavriat ta’lim yo‘nalishlari | 1 200 AQSh dollari | Yiliga | Termiz davlat pedagogika instituti Kengashining 2026-yil 25-maydagi qarori |
| 2 | Magistratura mutaxassisliklari | 1 500 AQSh dollari | Yiliga | Termiz davlat pedagogika instituti Kengashining 2026-yil 25-maydagi qarori |
Mazkur to‘lov-kontrakt miqdorlari institutning xalqaro faoliyatini yanada rivojlantirish, xorijiy talabalar kontingentini bosqichma-bosqich oshirish, ta’lim xizmatlari eksportini kengaytirish hamda xorijiy fuqarolar uchun raqobatbardosh va qulay ta’lim sharoitlarini yaratishga xizmat qiladi.