O‘zbekiston Respublikasi qonunlari, Prezident farmonlari va farmoyishlari, Oliy Majlis hamda Vazirlar Mahkamasining ta’lim va kadrlar tayyorlash sohasidagi qarorlarini amalga oshirishni tashkil etish;
Yuksak ma’naviy-axloqiy fazilatli, mustaqil fikrlashga qodir, bozor sharoitida ishni tashkil etish usullarini egallagan yuqori ma’lumotli malakali kadrlar tayyorlashni ta’minlash;
Davlat ta’lim standartlari asosida yuqori malakali kadrlar tayyorlashni tashkil etish;
Oliy ta’lim muassasasida “Ta’lim to‘g‘risida”gi qonun va sohaga oid normativ-huquqiy hujjatlarda belgilangan vazifalar bajarilishini ta’minlash;
Institut tarkibiy bo‘linmalari vakolatlarini belgilash, ularning faoliyatini rejalashtirish, muvofiqlashtirish va boshqarish;
Xodimlarni tanlash, rahbarlik lavozimlariga tavsiya etish, ishga qabul qilish, moddiy va ma’naviy rag‘batlantirish hamda intizomiy choralarni qo‘llash;
Institut daromadlarining shakllantirilishi va ulardan samarali foydalanilishi ustidan nazoratni amalga oshirish;
Ilmiy-tadqiqot ishlarini tashkil etish, ularning samaradorligini oshirish va natijalarni amaliyotga joriy etish;
Oliy ta’lim, fan va ishlab chiqarish integratsiyasini rivojlantirish;
Darsliklar, o‘quv-metodik adabiyotlar va yangi avlod o‘quv resurslari yaratilishi, tarjima qilinishi va nashr etilishini tashkil etish;
O‘quv-tarbiya jarayoniga ilg‘or pedagogik texnologiyalar, masofaviy ta’lim va axborot-kommunikatsiya texnologiyalarini joriy etish;
Ma’naviy-ma’rifiy va tarbiyaviy ishlarga rahbarlik qilish, xodimlar va talabalarda milliy g‘oya hamda fuqarolik mas’uliyatini shakllantirish;
Talabalikka, magistratura va ilmiy-tadqiqot faoliyatiga qabul qilish, o‘qishdan chetlatish, tiklash hamda ichki tartibga rioya etilishini ta’minlash;
Professor-o‘qituvchilarning kasbiy malakasini oshirish va ularning ilmiy-pedagogik salohiyatini rivojlantirish;
Talabalar, tadqiqotchilar va ilmiy-pedagogik xodimlar uchun zarur maishiy, ijtimoiy va tashkiliy sharoitlarni yaratish;
Fakultetlar, kafedralar, o‘quv jarayoni, amaliy va laboratoriya mashg‘ulotlari, amaliyotlar va boshqa ta’lim faoliyati sifatini doimiy nazorat qilish;
Ta’lim yo‘nalishlari va mutaxassisliklar rivojlanish istiqbollarini tahlil qilish, o‘quv dasturlari va ta’lim resurslarini takomillashtirib borish;
Marketing xizmatini rivojlantirish, mehnat bozori ehtiyojlarini o‘rganish, bitiruvchilar bandligini tahlil qilish va maqsadli kadrlar tayyorlash bo‘yicha hamkorlikni yo‘lga qo‘yish;
Institutning moddiy-texnik bazasini mustahkamlash, Ilmiy kengash faoliyatiga rahbarlik qilish va tarkibiy tuzilmani takomillashtirish;
Xorijiy hamkorlar bilan ilmiy-ijodiy aloqalarni rivojlantirish, investitsiya va grantlarni jalb etish, qo‘shma ilmiy markazlar, kafedralar va loyihalarni tashkil etish;
Jamoat tashkilotlari, vasiylar kengashi va boshqa nodavlat tashkilotlar bilan hamkorlikni rivojlantirish;
Ta’lim jarayonini boshqarish bo‘yicha vakolatli organlar tomonidan belgilangan boshqa vazifalar ijrosini ta’minlash.