Kafedra mudiri
Fizika kafedrasi
Ismailov Botir Berdiyorovich
Pedagogika fanlari bo‘yicha falsafa doktori (PhD), kafedra mudiri.
Kafedra: Fizika kafedrasi
Lavozimi: Kafedra mudiri
Ilmiy darajasi: Pedagogika fanlari bo‘yicha falsafa doktori (PhD)
Tashkil etilgan yil: 2024
Telefon: Telefon raqami keyin kiritiladi
e-mail: Elektron pochta keyin kiritiladi
Fizika kafedrasi haqida umumiy ma’lumot
Fizika kafedrasi 2024-yilda tashkil etilgan. Kafedraga pedagogika fanlari bo‘yicha falsafa doktori (PhD) Ismailov Botir Berdiyorovich mudirlik qiladi. Kafedrada jami 12 nafar professor-o‘qituvchi mavjud bo‘lib, shundan 7 nafari asosiy shtatda faoliyat ko‘rsatadi. Kafedraning ilmiy salohiyati 57,1 foizni tashkil etadi.
12 Professor-o‘qituvchilar
7 Asosiy shtatdagi xodimlar
2 Fan doktorlari (DSc)
57,1% Ilmiy salohiyat
Kafedraning professor-o‘qituvchilar tarkibi
- Fan doktorlari (DSc): Mahmudov Yusup G‘aniyevich, Saidov Chorixon Sultonovich.
- Falsafa doktorlari (PhD): Ismailov Botir Berdiyorovich, Raimov G‘ayrat Fayzullayevich.
- Katta o‘qituvchi: Sharipov Eshqobil Ismatovich.
Ta’lim yo‘nalishlari
Bugungi kunda kafedra quyidagi bakalavriat yo‘nalishlari talabalariga mutaxassislik fanlaridan ta’lim beradi:
Fizika va astronomiya
60110700 – Fizika va astronomiya.
Fizika
60530500 – Fizika.
Fizika kafedrasi tarkibi
Ismailov Botir Berdiyorovich
PhD, kafedra mudiri
Raimov G‘ayrat Fayzullayevich
PhD, dotsent
Mahmudov Yusup G‘aniyevich
Fan doktori (DSc)
Saidov Chorixon Sultonovich
Fan doktori (DSc)
Sharipov Eshqobil Ismatovich
Katta o‘qituvchi
Jumayeva Ra’no To‘lchi qizi
O‘qituvchi
Oromiddinov Sardor Botirovich
O‘qituvchi
Ilmiy tadbirlar va konferensiyalar
“Fizikani fanlararo o‘qitish taraqqiyoti va istiqbollari” respublika ilmiy-amaliy anjumani
2025-yilning 25–26-aprel kunlari kafedra tomonidan onlayn va oflayn tarzda “Fizikani fanlararo o‘qitish taraqqiyoti va istiqbollari” mavzusida respublika miqyosidagi ilmiy-amaliy konferensiya yuqori saviyada tashkil etildi.
Anjumanning maqsadi va vazifalari
- Fizika ta’limida fanlararo yondashuvning ahamiyatini oshirish va uni rivojlantirish istiqbollarini muhokama qilish.
- Fizika fanini matematika, kimyo, biologiya, informatika kabi boshqa fanlar bilan integratsiyasining zamonaviy tendensiyalari va innovatsion usullarini o‘rganish.
- Media va raqamli texnologiyalarni ta’limga integratsiya qilishga oid innovatsion yondashuvlarni shakllantirish hamda o‘qituvchi va talaba o‘rtasida tajriba almashish.
Anjumanning ishtirokchilari va yalpi majlisi
Konferensiyada respublika va viloyat miqyosida faoliyat ko‘rsatayotgan professor-o‘qituvchilar, yosh olimlar, doktorantlar va iqtidorli talabalarning jami 80 dan ortiq ma’ruza va maqolalari qabul qilindi.
Yalpi majlisda fizika va pedagogika sohasiga oid 14 ta dolzarb ma’ruzalar tinglandi. Jumladan:
- Ergash To‘rayev Yuldashevich (TerDU) va Saidov Chorixon (TerDPI) – “Si yuzasida SiO2 nanokristallarini hosil qilish usuli”.
- Qurbonov Mirzahamad (O‘zMU) – “Fizika ta’limi mazmuni va sifatini oshirishda namoyishli tajribalarning o‘rni”.
- Yodgorov Eshmo‘min – “Atom zarralarining grafen va metallar sirti bilan o‘zaro ta’sir jarayonlarini modellashtirish”.
- Berdiyev O‘ral Bo‘ronovich (TerDU) – “Fizikadan fan to‘garaklari tashkil etishning uslubiy asoslari”.
- Sultonova O‘g‘iloy Nabijonovna (TMTO) – “Haqiqiy zamon fizikasining asosiy muammolari”.
- Omonqulova Umida Xusan qizi (DTPI) – “Umumta’lim maktablarida fizika fanini zamonaviy innovatsion tajribalar orqali o‘qitishni takomillashtirish”.
Anjumanning ikkinchi qismi “Shaxsga yo‘naltirilgan ta’lim fanlararo aloqadorlik asosida loyihalashtirish texnologiyasining muammolari” va “Oliy ta’lim tizimida fizikani fanlararo o‘qitishda elektron dasturlarni yaratish muammo sifatida” kabi sho‘balarga bo‘lingan holda davom etdi. Tadbir davomida ta’lim sifatini oshirish, zamonaviy axborot resurslaridan samarali foydalanish hamda respublikadagi va xalqaro oliy ta’lim muassasalari bilan hamkorlik ishlarini olib borish yuzasidan muhim kelishuvlarga erishildi.
Talabalar yutuqlari va startap loyihalar
Fizika kafedrasi talabalari nafaqat o‘quv jarayonlarida, balki xalqaro fan olimpiadalari hamda innovatsion startap loyihalarda ham muntazam ishtirok etib, yuqori natijalarni qayd etib kelishmoqda.
1. Xalqaro olimpiadadagi e’tirof
Joriy yilning 23–28-mart kunlari Turkmanistonning Turkmaniston davlat energetika instituti (State Energy Institute of Turkmenistan) tomonidan onlayn tarzda o‘tkazilgan V Xalqaro “Nazariy mexanika” olimpiadasida Termiz davlat pedagogika instituti vakillari munosib ishtirok etdi.
- Jamoaviy bahslarda: institutimiz jamoasi (TERDPI-1) faxrli 2-o‘rinni qo‘lga kiritdi.
- Individual bahslarda: Fizika ta’lim yo‘nalishi talabasi Jurayeva Sevinch 3-o‘rinni egallab, maxsus diplom bilan taqdirlandi.
Bu yutuq – tinimsiz izlanish, mas’uliyat va puxta tayyorgarlik samarasidir. Erishilgan natijalar bizni yanada katta maqsadlar sari ruhlantiradi. Institutimiz nomini xalqaro maydonda munosib namoyon etish, ilm yo‘lida izlanish va yangi marralarni zabt etish – biz uchun katta sharaf. Oldinda bundan ham yuksak natijalar va yanada porloq zafarlar borligiga ishonamiz.
2. “Yashil innovatsiyalar” va startap loyihalardagi muvaffaqiyatlar
Kafedra talabalari dolzarb ekologik va texnologik muammolarga yechim taklif qiluvchi innovatsion loyihalarda ham faollik ko‘rsatmoqda.
- “Yashil innovatsiyalar” tanlovi: Fizika ta’lim yo‘nalishi talabasi Jo‘rayeva Sevinch mazkur tanlovning Surxondaryo viloyati hududiy bosqichida muvaffaqiyatli qatnashdi. 19–30 yosh toifasida taqdim etilgan “eroMag” (AEROMAG vertikal o‘qli shamol turbinasi) loyihasi g‘olib deb topilib, respublika bosqichiga yo‘llanmani qo‘lga kiritdi. Ishtirokchi maxsus sertifikat va 2 million so‘mlik vaucher bilan taqdirlandi.
- “Innovatsiyalar haftaligi”: Termiz davlat pedagogika instituti o‘tkazilgan ushbu dastur doirasidagi startap va innovatsiyalar tanlovida fizika va astronomiya yo‘nalishi 3-kurs talabalari Jo‘rayeva Sevinch, Nurqobilova Nigora hamda Xolliyev Normengli o‘zlarining istiqbolli loyihalari bilan qatnashdi. Ularning izlanishlari hay’at a’zolari tomonidan yuqori baholanib, jamoa maxsus vaucherlar va yutuqlarga munosib ko‘rildi.
Talabalar hayoti va ma’naviy-ma’rifiy ishlar
Fizika kafedrasida talabalarning bo‘sh vaqtlarini mazmunli tashkil etish, ularni vatanparvarlik ruhida tarbiyalash hamda tarix va adabiyotimizga bo‘lgan qiziqishlarini oshirishga alohida e’tibor qaratiladi. Shu maqsadda talabalar ishtirokida turli adabiy-badiiy va ma’rifiy kechalar muntazam o‘tkazib kelinmoqda.
Buyuk mutafakkirlar xotirasiga bag‘ishlangan adabiy kechalar
Kafedra o‘qituvchilari boshchiligida Fizika ta’lim yo‘nalishi 2-kurs talabalari tomonidan muhim tarixiy sanalarga bag‘ishlangan qator tadbirlar yuqori saviyada tashkil etildi:
- “So‘z mulkining sultoni – Alisher Navoiy”: 2026-yil 13-fevral kuni g‘azal mulkining sultoni Mir Alisher Navoiy tavalludining 585 yilligiga bag‘ishlab 24-01-guruh talabalari ishtirokida ma’naviy-ma’rifiy tadbir o‘tkazildi.
- “Istiqlolam aro ovora ko‘ngil: Shohlik g‘urbati va sog‘inch iztirobi”: 2026-yil 20-fevral kuni buyuk sarkarda va davlat arbobi Zahiriddin Muhammad Bobur tavalludining 543 yilligiga bag‘ishlab 24-02-guruh talabalari tomonidan adabiy-badiiy kecha namoyish etildi.
Tadbirlarning asosiy maqsadi va mazmuni
Mazkur ma’rifiy kechalar faqatgina badiiy chiqishlar bilan cheklanib qolmay, yoshlar o‘rtasida ajdodlar va mumtoz adabiyot namoyandalariga boy tarzda o‘tdi. Tadbirlar doirasida quyidagi muhim jihatlarga e’tibor qaratildi:
- Yoshlar orasida tanlagan kasbiga bo‘lgan hurmatni oshirish, mehnatsevarlik, mas’uliyat va kasbiy mahoratni targ‘ib etish.
- Davlatimiz tomonidan yoshlar uchun yaratilgan imkoniyatlardan unumli foydalanish, ko‘proq kitob mutolaa qilish va huquqiy bilimlarni egallash bo‘yicha ko‘rsatmalar berish.
- Tabiiy va aniq fanlar yo‘nalishida tahsil olayotgan talabalarning ona tili, adabiyot va boy tariximizga bo‘lgan qiziqishlarini qo‘llab-quvvatlash.
- Talabalarni turli firibgarlar tuzog‘idan ehtiyot bo‘lishga va doimo ogohlikka chaqirish.
Fakultet rahbariyati, yoshlar bilan ishlash bo‘yicha mas’ullar, xotin-qizlar maslahatchilari hamda professor-o‘qituvchilar ishtirokida o‘tgan bu kabi tadbirlar talabalar hayotini mazmunli o‘tkazishda va ularning ma’naviy olamini boyitishda muhim ahamiyat kasb etmoqda.