Prezidentning PF-81-son Farmoniga muvofiq, oliygohlar bakalavriatiga qabul jarayoni ikki bosqichda — “avval test, so‘ng tanlov” tamoyiliga muvofiq amalga oshiriladi.
1-bosqichda abituriyentlar har yili 5-iyundan 25-iyunga qadar (25-iyun kuni ham) test sinovi topshirish uchun my.uzbmb.uz saytida onlayn roʻyxatdan oʻtadi hamda quyidagilarni tanlaydi:
Faqat test sinovida ishtirok etsa:
fanlar majmuasi;
taʼlim tili;
test topshirish hududi.
Alohida iqtidor talab etiladigan taʼlim yoʻnalishlari boʻyicha kasbiy/ijodiy imtihonlarda ishtirok etsa:
taʼlim tili;
test topshirish hududi;
alohida iqtidor talab etiladigan taʼlim yoʻnalishi;
kasbiy (ijodiy) imtihon topshiriladigan oliygoh.
Oliygohlarga kirish imtihonlari iyul-avgust oylarida oʻtkaziladi.
2-bosqichda abituriyentlar kirish imtihonlari toʻliq yakunlanganidan soʻng 15 kun davomida my.uzbmb.uz sayti orqali quyidagilarni tanlaydi:
oliy taʼlim muassasasi;
bakalavriat taʼlim yoʻnalishi;
taʼlim shakli;
tanlov ustuvorligi.
Abituriyent test sinovida toʻplagan ballarini imtihon oʻtkazilgan kunning ertasiga bilishi mumkin. Uning talabalikka tavsiya etilgan yoki etilmagani qabul jarayonining 2-bosqichi toʻliq yakunlangandan keyin bir hafta muddatda Bilimni baholash agentligining rasmiy veb-saytida eʼlon qilinadi.
Texnikumlarda oʻqish istagini bildirgan abituriyentlar oliygohlarga qabulning yakuniy natijasi eʼlon qilinganidan soʻng 10 kun muddatda quyidagilarni tanlaydi:
texnikum;
kasb va mutaxassislik;
taʼlim shakli.
Natija bir hafta muddatda Bilimni baholash agentligining rasmiy veb-saytida eʼlon qilinadi.
Abituriyentlar va ularning ota-onalariga qulayliklar yaratish maqsadida Oliy ta’lim, fan va innovatsiyalar vazirligi hamda barcha oliy ta’lim muassasalarida “Qabul-2025” shtabi faoliyati yo‘lga qo‘yildi.
Bundan tashqari, fuqarolarimiz Vazirlikning 1006, Agentlikning 1195 ishonch telefoni yoki @EduuzUniversalBot’ga murojaat qilgan holda o‘zlarini qiziqtirgan savollariga javob olishlari mumkin.

Abituriyentlar va ota-onalar diqqatiga!
Termiz davlat pedagogika institutida qabul komissiyasi huzuridagi "Call-center" markazi o'z ish faoliyatini boshlaganini ma'lum qilamiz. Qabul jarayonlari bilan bog'liq barcha savol va murojaatlar uchun mazkur raqamlarga qo'ng'iroq qilishingiz mumkin.
+998 76 363-32-31
+998 76 363-33-48
+998 76 363-32-28
TerDPI "Call-center" operatorlari qabul jarayonlariga doir barcha savollarga soat 09:00 dan 18:00 gacha javob berishadi.
Dam olish kuni: Yakshanba
Tushlik vaqti: 12:00 dan 13:00 gacha
Eslatma, onlayn ro'yxatdan o'tish my.uzbmb.uz sayti orqali amalga oshiriladi.
Termiz davlat pedagogika instituti qabul 2025 Video