Termiz davlat pedagogika instituti

15-08-2022 908

Ilmiy tadqiqot faoliyati

O‘zbekiston Respublikasi Prezidentining 2018 yil 5 iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-son Qarori va boshqa ilm-fan va ta’limga oid qonunlarda belgilangan vazifalarning ijrosini ta’minlash;

Ilmiy va amaliy loyihalar tanlovida kafedralar professor-o‘qituvchilari va xodimlarning ishtirok etishini targ‘ib qilish, ularning hujjatlarini tayyorlash va tanlovga taqdim etishga amaliy yordam ko‘rsatish;
Ilmiy va ilmiy-pedagogik kadrlar tayyorlash, ilmiy-innovatsion faoliyatni samarali tashkil etishga uslubiy jihatdan shart-sharoit yaratib berish;
Kafedralarning ilmiy-tadqiqot ishlari rejalarini o‘rganish, tahlil qilish va uni takomillashtirish bo‘yicha takliflar berish;
Ilmiy va ilmiy-amaliy anjumanlarni rejalashtirish, tashkil etish va o’tkazishni muvofiqlashtirish. Boshqa OTMlarda o’tkazilayotgan konferensiyalarda professor-o’qituvchilar va xodimlarning qatnashishini ta’minlash;
Professor-o‘qituvchilar, xodimlar va iqtidorli talabalarning “Innovatsion g‘oyalar, ishlanmalar va loyihalar” yarmarkasida ishtirok etishlarnini ta’minlash;
Fanlar bo‘yicha talabalarning fan olimpiadalarini o‘tkazishga ko‘maklashish, erishilgan natijalar bo‘yicha hisobotlarni to‘plash va yakuniy hujjatlarni Vazirlikka topshirish, g‘oliblarni olimpiadaning Respublika bosqichiga tayyorlash jarayonlarini tashkil etishga ko‘maklashish va talabalarning faol ishtirokini ta’minlash;
Xalqaro ilmiy-texnik ma’lumotlar bazalaridan foydalanish, xalqaro ilmiy jurnallarga maqolalar tayyorlash va e’lon qilish, ularni iqtibosligini oshirish bo’yicha chora-tadbirlarni amalga oshirish;
O'zbekiston Respublikasi Prezidenti davlat stipendiyasi va nomli davlat stipendiyalari sovrindorlarini tayyorlash jarayonini boshqarish;
Ilmiy-tadqiqot ishlari uchun moddiy-texnika bazasini mustahkamlash;
Ilmiy-texnikaviy hamkorlikni rivojlantirish asosida raqobatbardosh ilmiy ishlanmalar va texnologiyani yaratish.
Talabalar ilmiy ishlarini tashkil etish; iqtidorli yoshlar va a’lochi talabalarni ilmiy ishlarga jalb etish, viloyat va respublika miqyosida talabalar ilmiy ishlarining ko’rgazmasini va olimpiadasini tashkil etish va ularda ishtirokini ta’minlash;
Doktorant, tayanch doktorant, mustaqil izlanuvchilar va ilmiy xodimlarning doktorlik dissertatsiya mavzularini OAK mavzular bazasiga kiritishni tashkil etish.
Universitet professor-o’qituvchilari uchun Scopus va Web off Science xalqaro ilmiy-texnik ma’lumotlar bazasiga kirish imkoniyatlarini yaratish uchun seminar-treninglar o’tkazish.
Doktorantlarni O’zbekiston Respublikasi Prezidenti davlat stipendiyasi tanloviga ishtirokini ta’minlash va natijadorligiga erishish
Kafedralar professor-o'qituvchilarning ilmiy va innovatsion faoliyati monitoringini amalga oshirish.