Termiz davlat pedagogika institutida bitiruvchi kurs talabalarini ishga joylashtirish maqsadida “Kelajak tadbirkori” tadbiri tashkil etildi
2026-yil 7-OktabrdaTermiz davlat pedagogika institutida talabalar ishtirokida Karyera bo’limi xodimlari va yoshlar uchrashuvi tashkil etildi. Tadbirda institut Talabalar amaliyoti bo‘limi xodimlari N.Norboyev va A.Ro’ziyev hamda “Tadbirkorlik asoslari” fani o‘qituvchilari ishtirok etdilar. Muloqot davomida talabalarga moliyaviy savodxonlik, bank xizmatlaridan samarali foydalanish, kredit va tadbirkorlik faoliyatining asoslari haqida batafsil ma’lumotlar berildi.
Shuningdek, “Kelajak tadbirkori” dasturining mazmun-mohiyati, yoshlarga taqdim etayotgan imkoniyatlari, tadbirkorlik tashabbuslarini qo‘llab-quvvatlash va biznes loyihalarni amalga oshirish mexanizmlari tushuntirildi.
Tadbir ochiq muloqot shaklida o'tgani sababli talaba-yoshlar o'zlarini qiziqtirgan savollarni bevosita rahbarlarga berish, o'z fikr va takliflarini bildirish imkoniga ega bo'ldi. Ular bitiruvdan keyingi bandlik, malaka oshirish, tadbirkorlikni boshlash va yoshlarga ko'rsatiladigan davlat qo'llab-quvvatlovi kabi dolzarb masalalarga e'tibor qaratdi. Bildirilgan takliflar o'rganilib, dasturni amalga oshirishda inobatga olinishi ta'kidlandi.
Tadbir doirasida bo‘sh ish o‘rinlari yarmarkasi tashkil etildi. Maktab, maktabgacha ta’lim tashkilotlari, xususiy ta’lim muassasalari va boshqa korxona vakillari o‘z vakansiyalarini taqdim etdi. Bitiruvchi talabalar rezyume topshirib, ish beruvchilar bilan suhbatda bo‘ldi.
Muvaffaqiyatli faoliyat yuritayotgan bitiruvchilar, yosh tadbirkorlar va soha mutaxassislari talabalar bilan o‘z tajribalari bilan o‘rtoqlashdi. Talabalar o‘zlarini qiziqtirgan savollarga batafsil javob oldi.