Boshlang‘ich ta’lim fakulteti Boshlang‘ich ta’lim yo’nalishi 21-04 guruh talabasi Qobilova Madina Sobir qizi “Qizlar ovozi” klubining ilm-fan oromgohi loyihasida ishtirok etdi. Qobilova Madina Qashqadaryo viloyati Gʻuzor tumanida 2003-yil tugʻilgan. 2021-yil Termiz davlat pedagogika instituti Boshlangʻich taʼlim yoʻnalishiga davlat granti asosida oʻqishga qabul qilingan. 30 ga yaqin maqolalari OAK, Impact factor, Respublika va Xalqaro jurnallarda chop etilgan. 100 dan ziyod sertifikatlarni qoʻlga kiritgan. 10 ta xalqaro forumlarda qatnashgan. Ilm-fan fidoiylari kitobida avtobiografiyasi chop etilgan. Toshkentda Xalqaro konferensiyada ishtirok etgan. Registon stipendiyasi tanlovida faol qatnashib sertifikat qoʻlga kiritgan. Ulugʻbek vorislari tanlovida ham faol ishtirok etgan. Milliy tiklanish demokratik partiyasining rasmiy aʼzosi. “Yoshlar turizmi” II xalqaro qurultoyda lochin oromgohiga “Surhon yoshlari” nomidan qatnashgan. Qizlar ovozi klubi tomonidan tashkillashtirilgan “Ilm-fan oromgohi” da Toshkent viloyati Semurgʻ oromgohiga 917 ta qiz ichidan saralab olingan va qatnashgan.

Ismoilova Gulmira Termiz davlat pedagogika institutining Maktabgacha ta’lim fakulteti Maktabgacha ta’lim psixologiyasi va pedagogikasi yo‘nalishi 3-bosqich talabasi. Hozirgi kungacha erishgan barcha yutuqlari kaliti bu o‘z mutaxassisligi bo‘yicha ilmiy izlanishlar olib borayotganligidadir. Inson qancha yuksalishni xohlasa shuncha ko‘p bilim, ko‘nikma va tajribaga ega bo‘lishi kerak. Gulmiraning yoshligidan maqsadi xalqaro ilmiy-tadqiqot maydoniga qadam qo‘yish va O‘zbekiston bayrog‘ini yuksaklarda hilpirashiga o‘z hissasini qo‘shish bo‘lgan. Oliy ta’limga ilk odim qo‘yganidan buyon ushbu maqsadni amalga oshirish niyatida harakat qilmoqda. Uning ilmiy maqola va tezsilari Belgiya, AQSH, Rossiya, Fransiya, Turkiya, Hindiston, Kanada, Italiya, Estoniya hamda Polsha davlatlarining nufuzli jurnal va konferensiyalarida e’lon qilingan. Hindistonning “All India Council for Technical Skill Developent” xalqaro tashkiloti a’zosi. Ismoilova Gulmira “O‘zbekistonda oila mustahkamligini ta’minlash tizimini takomillashtirishning psixologik muammolarini tadqiq etish” dasturi bo‘yicha “Elektron hisoblash mashinalari uchun yaratilgan dasturning rasmiy ro’yxatdan o`tkazilganligi to‘g‘risida” guvohnoma (DGU) olgan. Uning “O‘smirlik davrining psixologik xususiyatlari” haqida monografiyasi Estoniya davlatining poytaxti Tallin shahrida e’lon qilingan va 20 dan ziyod davlatda sotuvga qo‘yilgan. 2022-yil MDH davlatlari miqyosida o‘tkazilgan “Eng yaxshi ilmiy tadqiqotchi” xalqaro ilmiy amaliy ko'rik tanlovida ishtirok etib ko‘krak ishon bilan taqdirlandi. 2023-yilda Ilg’or tadqiqotchilar ilmiy markazining buyruĝiga asosan “Ilm-fan iftixori” esdalik ko‘krak nishoni bilan taqdirlangam. Viloyat hokimi stipendianti bo’ldi. Yil talabasi tanlovida institut bosqichida 1-o‘rin sohibasi. 2023-yil mart oyida UNICEF xalqaro bolalar tashkiloti Yoshlar ishlari agentligi va Yoshlar ittifoqi tomonidan tashkil etilgan ImkonLab ijtimoiy tadbirkorlik va innovatsiya tanlovida o‘z loyoihasi bilan ishtirok etdi va loyihasi uchun 1000 dollar miqdorida pul mukofotini qo‘lga kiritdi.

Qudratova Manija Shohmansur qizi Termiz davlat pedagogika instituti Filologiya fakulteti o‘zbek tili va adabiyoti yo‘nalishi 3-bosqich talabasi. Hozirgi kungacha erishgan barcha yutuqlarining kaliti ijodkorlik va o‘z yo‘nalishining haqiqiy egasi bo‘lganidandir. Inson dunyoga kelar ekan, albatta, baxtli yashashni va unga intilishni orzu qiladi. Baxt shunday keng qamrovli tushunchadirki, hech kim azob-u mashaqqatlarsiz unga erisha olmaydi. Shunday ekan, baxtli bo‘lishning asosiy sabablaridan biri bu ilmni qay darajada egallash va shu olgan bilimlarni qay yo‘lda foydalana olishdir. Bilim insonlarni eng yuksak cho‘qqilarga eltib boradigan mislsiz bo‘ron kabidir. Bu bo‘ronning qachon va qayerda to‘xtab qolishi esa har bir insonning o‘z qo‘lida. Shunday ekan, baxtli yashashga haqli bo‘lgan insonlarni qatorida bo‘lishni xohlasangiz buning uchun albatta, eng yaxshilar va eng bilimlilar qatorida o‘zingizni qo‘yishingiz va shunga yarasha harakat qilishingiz lozim. 21-dekabr Surxondaryo viloyati Sariosiyo tumanida tug‘ilgan. Oilada ikkinchi farzand. Termiz davlat pedagogika instituti Filologiya fakulteti o‘zbek tili va adabiyoti yo‘nalishining 3-bosqich talabasi. 2022-yil “Oʻzbekistonlik ekanligimdan faxrlanaman” nomli maqolasi OAK e’tirof etgan yuqori impakt faktorga (impact factor:8.2) ega mahalliy jurnal SCIENCE BOX “Barqarorlik va Etakchi tashkilotlar ISSN” jurnalida nashr etilgan. 2022-yil “Yangi Oʻzbekiston ma’rifatli jamiyatini yaratishda yoshlarning oʻrni” nomli maqolasi Rossiyaning Образования и Наука nomli jurnalida nashr etilgan.Ijodkor sifatida beg‘ubor yoshlikni, Vatan madhini, ota-onaga muhabbat va yurtga sadoqatni tarannum etuvchi she’rlari jamlangan “Maqsad sari ilk qadam” nomli birinchi kitobi chop etildi. “Sariosiyo – ko‘ngil quyoshim” nomli kitobda Qudratova Manijaning“Baxtli yashashga haqlimiz” nomli maqolasi chop etildi. 2022-yil “Surxonning yosh ijodkorlari” she’riy to‘plamida Manijaning bir qator she’rlari nashr etildi. 2022-yil O‘zbekiston Respublikasi Oliy va o‘rta maxsus ta’lim vazirligi tomonidan tashkil etilgan “Odam savdosi – davr muammosi” tanlovining Respublika bosqichida “Eng yaxshi maqola” yo‘nalishi bo‘yicha III-o‘rinni egalladi, shuningdek, sertifkat, kitoblar to‘plami, 1.5mln so‘m pul mukofoti bilan taqdirlandi. 2022-yil 2-noyabrda “Yilning eng faol ijodkor talabasi” yo‘nalishi bo‘yicha “Viloyat hokim stipendiya”siga munosib deb topildi. 2022-yil “Kitob – inson ma’naviyatining bebaho boyligi” mavzusidagi maqolasi Kanadaning “Studies in Economics and education in the Modern World” konferensiyasida nashr etilgan. 2022-yilda “Abu Rayhan Beruni, A great scholar honored by his descendants”mavzusidagi maqolasi “International Journal of advanced research in education technology and management” konferensiyasida nashr etilgan.2023-yil “Mir Alisher Navoiy, a Great Thinker Recognized by the World” mavzusidagi maqolasi Portugaliyaning 8.2 impact faktorga ega bo‘lgan nufuzli jurnalida nashr etilgan. 2023-yil “Ayol–hayot saboqlarini beruvchi, jonkuyar, mehribon zot” mavzusidagi maqolasi Angliyaning “Science and pedagogy in the modern world: problems and solutions” nomli konferensiyada nashr etilgan.2023-yil “Место поколения, которие дорого сердцу родины” mavzusidagi maqolasi Germaniyaning “Scientific approach to the modern education system” konferensiyasida nashr etilgan.2023-yil “Maqsad sari ilk qadam” mavzusidagi maqolasi Hindistonning “Science and innovation ideas in modern education” konferensiyasida nashr etilgan.2023-yil “Abdulla Oripovning so‘z qo‘llash mahorati” mavzusidagi maqolasi “Analytical Journal of Education and Development” jurnalida nashr etilgan.2023-yil “A book is a Priceless Treasure of Human Spirituality” mavzusidagi maqolasi yuqori impact faktorga ega bo‘lgan jurnalda nashr etilgan. 2023-yil “Abdulla Qodiriy asarlarida sifat so‘z turkumining ishlatilishi” mavzusidagi maqolasi Turkiyaning “Science and scientific in the modern world” konferensiyasida nashr etilgan.2023-yil “Kelishik shakllarining tejab-tejalmay ishlatilishi” (Tog‘ay Murodning “Ot kishnagan oqshom” asari misolida) nomli maqolasi IQRO jurnalida nashr etildi, mualliflik guvohnomasi, maqola sahifasi, sertifkat, diplom, tashakkurnoma va indekslanuvchi xat bilan taqdirlangan. 2023-yil “Globallashuv jarayonida innovatsion ta’lim va milliy tarbiya: integratsiyaga xos muammolar, bahslar va yechimlar” mavzusidagi xalqaro ilmiy-amaliy konferensiyada “Globallashuv jarayonida tarbiyaning istiqbolli masalalari va vazifalari” mavzusidagi maqolasi nashr etilgan. 2023-yil ijodkorlik bo‘yicha faol ishtiroki uchun “O‘zbekistonda ta’lim” jurnali ijodkorlari tomonidan “Iste’dod” ko‘krak nishoni bilan taqdirlandi.