15-may - Xalqaro iqlim kuni
Xalqaro iqlim kuni global muammolardan biri - global isish masalalariga jamoatchilik e'tiborini qaratish maqsadida nishonlanadigan ekologik sanadir.
Sana munosabati bilan Termiz davlat pedagogika institutida Tabiiy fanlar fakulteti Biologiya va uni o'qitish metodikasi kafedrasi katta o'qituvchisi N.Choriyeva tomonidan talabalar uchun davra suhbati tashkil etildi. Unda mutaxassis tomonidan talabalarga Yer sayyorasida umumiy haroratning koʻtarilishi, atmosfera havosi tarkibida qator zararli moddalar miqdorining koʻpayishi nafaqat haroratning, balki sayyoramizdagi barcha mintaqalarning iqlim oʻzgarishiga olib kelayotganligi ta’kidlab o‘tildi va mavzuga doir bir qancha ma'lumotlar berildi. Shuningdek, suhbat davomida talabalar o'zlarini qiziqtirgan savollarga mutaxassis tomonidan javoblar olishdi.
Ma'lumot o'rnida, birinchi marta iqlimni saqlash muammosi jahon miqyosida 1992-yil - Rio-de-Janeyroda bo'lib o'tgan Yer sammitida muhokama qilingan.