
Tarix fanlari bo‘yicha falsafa doktori (PhD), kafedra mudiri.
Tarix kafedrasi 2021-yilda tashkil etilgan. Kafedrada 20 nafar professor-o‘qituvchilar mavjud, shundan 16 nafar asosiy shtatda o‘qituvchilar faoliyat ko‘rsatadi.
Kafedrada 5 nafar PhD: S. Qulboshev, S. Boboyeva, O. Isayev, Sh. Saidaxmatov, X. Xidirov; 2 nafar dotsent: O. Isayev, Sh. Saidaxmatov; 1 nafar PhD v.b. professor: X. Xidirov; 4 nafar katta o‘qituvchi: S. Boboyeva, X. Xidirov, Sh. Xudayberdiyev, B. Safarov; 12 nafar o‘qituvchi va 4 nafar o‘rindosh o‘qituvchilar faoliyat yuritib kelmoqda.
Kafedraning ilmiy salohiyati 28,6 % ni tashkil etadi. Bugungi kunda kafedra 60111100 – Tarix (bakalavr) ta’lim yo‘nalishi bo‘yicha tarix o‘qitish bilan shug‘ullanadi.
60111100 – Tarix (bakalavr)
Tarix fanlari bo‘yicha nazariy va amaliy bilimlarni shakllantirish.
Tarix, manbashunoslik, tarixiy geografiya, muzeyshunoslik, o‘lkashunoslik va turizm.




























Tarix kafedrasi xorijiy oliy ta’lim tashkilotlari bilan samarali hamkorlik o‘rnatishni maqsad qilgan. Ushbu hamkorlik, avvalo, talaba va professor-o‘qituvchilar almashinuvi orqali ikki tomonlama tajriba almashishni yo‘lga qo‘yish, qo‘shma ta’lim dasturlarini ishlab chiqish va sifatli kadrlar tayyorlash imkoniyatlarini yaratishga xizmat qiladi.
Shu bilan birga, ilmiy-tadqiqot yo‘nalishida hamkorlik qilish orqali qo‘shma tadqiqot loyihalarini amalga oshirish, xalqaro miqyosdagi konferensiyalarni tashkil etish va ilmiy maqolalar chop etish rejalashtirilgan.
Bundan tashqari, zamonaviy innovatsiyalarni o‘zlashtirish, ilg‘or tajribalarni amaliyotda qo‘llash va yangi texnologiyalarni o‘rganish ham hamkorlikning asosiy yo‘nalishlaridan biridir. Hamkorlik doirasida masofaviy ta’lim, qo‘shma onlayn kurslar ishlab chiqish ham ko‘zda tutilgan bo‘lib, bu talabalarga xalqaro darajadagi ta’limdan foydalanish imkonini beradi.
Shuningdek, madaniy va tilshunoslik yo‘nalishida hamkorlikni kuchaytirish orqali talabalar va o‘qituvchilarning xorijiy til ko‘nikmalarini rivojlantirish, madaniy almashinuv dasturlarida ishtirok etish ham ko‘zda tutilgan. Umuman olganda, xalqaro hamkorlik nafaqat ta’lim sifati va ilmiy salohiyatni oshiradi, balki xalqaro maydonda institut obro‘sini mustahkamlashga ham xizmat qiladi.
Rossiya Federatsiyasi
Qozog‘iston Respublikasi
Tojikiston Respublikasi
Tarix kafedrasi xorijlik malakali o‘qituvchilar bilan doimiy hamkorlik qilib kelmoqda. TerDPI ga Tatariston Respublikasi Qozon Federal universiteti Xalqaro aloqalar instituti Arxeologiya va merosni tiklash kafedrasi dotsenti Yelena Evgenievna Vorobyova tashrif buyurdi. Yelena Vorobyova tashrif davomida Tarix va uni o‘qitish metodikasi ta’lim yo‘nalishi talabalariga “Jahon tarixi” fanidan amaliy dars mashg‘ulotlarini olib bormoqda.

“Building Scientific Bridges” ilm-fan va innovatsiyalar markazida, Turkiyaning yirik shahri Istanbulda o‘tkazilgan xalqaro ilmiy konferensiyada Termiz davlat pedagogika instituti Tarix kafedrasi dotsenti v.b., t.f.f.d. (PhD) Boboyeva Sitora Ro‘zimaxmatovna ishtirok etdi.
Ko‘p tarmoqli xalqaro konferensiya “Çok Disiplinli Akademik Araştırma” mavzusida tashkil etilib, ilmiy-tadqiqot ishlari olib borishning samarali usullari, metodik asoslari haqida qiziqarli va mazmunli fikrlar bildirildi.
Jumladan, O‘zbekiston va Turkiya davlatlarining o‘zaro hamkorligi, do‘st-birodarligi to‘g‘risida ham iliq fikr-mulohazalar bildirildi. Bugungi zamonaviy ilm-fan cho‘qqilarini zabt etishda hamkorlik aloqalarini yanada mustahkamlash, doimiy aloqalarni o‘rnatish va ilmiy izlanishlarni nufuzli oliygohlar bilan muvaffaqiyatli olib borish muhimligi ta’kidlandi.



Termiz davlat pedagogika institutida “Baqtriya-Toxariston Buyuk ipak yo‘lida” mavzusida online va offline tarzda xalqaro miqyosdagi ilmiy-amaliy anjuman o‘tkazildi.
Xalqaro ilmiy-amaliy anjumanni tantanali ochilish marosimini institut direktori, tarix fanlari doktori, professor A.E. Qobulov kirish so‘zi bilan ochdi va mavzu yuzasidan ma’ruza qildi. Anjumanda 5 ta yo‘nalishdagi sho‘balarda Tojikiston, Qozog‘iston, AQSh va boshqa xorijiy davlatlar hamda Respublikamizning oliy o‘quv yurtlaridan professor-o‘qituvchilar o‘z ma’ruzalari bilan online va offline tarzda ishtirok etishmoqda.


Termiz shahrida joylashgan Arxeologiya muzeyida Tarix va uni o‘qitish metodikasi kafedrasi o‘qituvchisi N. Maxmatkulova tomonidan 3-bosqich talabalariga “Muzeyshunoslik” fanidan ochiq dars mashg‘uloti olib borildi.
Nazariya va amaliyot uyg‘unligini birlashtirgan dars talabalarda katta taassurot qoldirdi. Kreativ yondashilgan ochiq dars muzey xodimlari va sayyohlar qiziqishini uyg‘otdi. Yakunda talabalar fan o‘qituvchisi bilan birgalikda muzeyda saqlanayotgan eksponatlar bilan tanishishdi.


Kafedra o‘qituvchisi Jasur Tojiyev tomonidan Xorijiy til va adabiyoti ingliz tili ta’lim yo‘nalishi 1-bosqich talabalariga “O‘zbekistonning eng yangi tarixi” fanidan ochiq dars mashg‘uloti olib borildi.
Ochiq dars “Mustaqil O‘zbekiston Respublikasining tashkil topishi va uning tarixiy ahamiyati. O‘zbekistonning o‘ziga xos istiqlol va taraqqiyot yo‘li” mavzusida bo‘lib, kafedra mudiri O. Isayev va professor-o‘qituvchilar tomonidan kuzatib borildi. Mashg‘ulot nazariy va amaliy ma’lumotlarga tayanilgan holda amalga oshirilib, talabalarning faolligi yaqqol kuzatildi. Dars yakunida o‘qituvchi tomonidan talabalarga metodik tavsiyalar berildi.



Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi ta’lim muassasalari pedagog xodimlari va talabalari o‘rtasida “Islohotlar bilimdoni” Respublika ko‘rik-tanlovining Termiz davlat pedagogika instituti bosqichida Tarix kafedrasi quyidagi nominatsiya bo‘yicha g‘oliblikni qo‘lga kiritdi:
Ma’naviy-ma’rifiy ishlar bo‘yicha eng yaxshi kafedra — Tarix kafedrasi.


Termiz davlat pedagogika instituti Tarix ta’lim yo‘nalishi 4-kurs talabasi Toshtemirova Rayxon Zokir qizi 2025/2026-o‘quv yili uchun bakalavriat bosqichi bo‘yicha Bobur stipendiyasiga sazovor bo‘ldi.
Ilmiy rahbari: Tarix kafedrasi professor-o‘qituvchisi Abdurashidov Anvar Abdurashidovich.

Tarix kafedrasida ma’naviy-ma’rifiy ishlar rejasi ishlab chiqilgan va tasdiqlangan. Ish reja asosida belgilangan kunlarda barcha tadbirlar o‘z vaqtida o‘tkazilib, bayonnomalar rasmiylashtirilib kelinmoqda. Shu bilan birga ma’naviy-ma’rifiy sohada “Yo‘l xaritasi”da belgilangan vazifalar reja asosida amalga oshirilmoqda.
Kafedrada yoshlarni madaniyat, san’at, jismoniy tarbiya va sportga keng jalb etish, yoshlarda axborot texnologiyalaridan foydalanish ko‘nikmalarini shakllantirish, ular o‘rtasida kitobxonlikni targ‘ib qilish, xotin-qizlar bandligini ta’minlashga qaratilgan “Besh muhim tashabbus”ni amalga oshirish bo‘yicha, yoshlarni ona Vatanga, oilaga, mustaqillik g‘oyalariga muhabbat va sadoqat, milliy va umuminsoniy qadriyatlarga hurmat ruhida tarbiyalash yo‘nalishi bo‘yicha keng ishlar amalga oshirilmoqda.



Termiz davlat pedagogika instituti Pedagogika va ijtimoiy fanlar fakulteti tyutorlari Sattorqulov Karomatullo, Tarix kafedrasi katta o‘qituvchisi Xudoyberdiyev Shamsiddin To‘lqinovich, dotsent Xidirov Xolmamat Djurayevich hamda fakultet talaba-yoshlari bilan birgalikda “Vatan bo‘ylab sayohat” doirasida Surxondaryo viloyatidagi tarixiy va madaniy yodgorliklar — Al-Hakim at-Termiziy, Sulton-Saodat, Qirqqiz, Kokildor ota, Fayoztepa ziyoratgohlariga ekskursiya uyushtirildi.
Ekskursiyaning asosiy maqsadi birinchi kursga qabul qilingan talabalarni milliy madaniy merosimiz bilan tanishtirish, ularning bo‘sh vaqtini mazmunli tashkil etish, ichki turizmni rivojlantirish hamda talabalarni madaniyatimizga hurmat ruhida tarbiyalashdan iboratdir.



Termiz davlat pedagogika instituti Pedagogika va ijtimoiy fanlar fakulteti professor-o‘qituvchilari, tyutor hamda Tarix ta’lim yo‘nalishi 2-kurs talabalari bilan Buxoro viloyatiga sayohat tashkil qilindi. Institut tomonidan tashkil etilgan sayohat davomida talabalar “Bahouddin Naqshband”, “Buxoro arki”, “Labihovuz”, “Minorai kalon” va yana bir qator tarixiy qadamjolar bilan yaqindan tanishdilar.



Termiz davlat pedagogika instituti Pedagogika va ijtimoiy fanlar fakulteti professor-o‘qituvchilari, tyutor hamda Tarix ta’lim yo‘nalishi 2-kurs talabalari bilan Samarqand viloyatiga sayohat tashkil qilindi. Institut tomonidan tashkil etilgan sayohat davomida Samarqand zaminida joylashgan Ulug‘bek rasadxonasiga, Go‘ri Amir maqbarasiga, Xo‘ja Doniyor maqbarasi va boshqa bir qancha ko‘zga ko‘ringan obyektlarga tashrif buyurishdi. Talabalar Samarqand o‘z davrida nafaqat yurtimizning, balki butun dunyodagi yirik madaniyat markazi ekanligiga guvoh bo‘lishdi.



O‘zbekiston Respublikasi Prezidenti tomonidan Oliy Majlis va O‘zbekiston xalqiga yo‘llangan Murojaatnomada belgilab berilgan ustuvor yo‘nalishlar hamda muhim vazifalar mazmun-mohiyatini keng targ‘ib etish maqsadida Termiz davlat pedagogika instituti Tarix kafedrasi professor-o‘qituvchilari tomonidan Termiz tumanida joylashgan jami 36 ta maktab o‘qituvchilari va xodimlari uchun seminarlar tashkil etildi.
Mazkur seminarlar doirasida Prezident Murojaatnomasida ta’lim sohasini rivojlantirish, yoshlar tarbiyasi, ta’lim sifatini oshirish, pedagoglarning kasbiy salohiyatini yuksaltirish hamda ijtimoiy sohani takomillashtirishga qaratilgan ustuvor vazifalar atroflicha tushuntirildi.
Seminarlar davomida Murojaatnomada belgilangan vazifalarni ta’lim muassasalarida amaliyotga joriy etish, islohotlar ijrosini ta’minlash hamda kelgusidagi ustuvor yo‘nalishlar yuzasidan fikr-mulohazalar bildirildi.



Termiz davlat pedagogika instituti Pedagogika va ijtimoiy fanlar fakulteti Tarix kafedrasi tomonidan talabalarning ilmiy salohiyatini rivojlantirish, ularni ilmiy-tadqiqot faoliyatiga keng jalb etish, tarix fanlariga bo‘lgan qiziqishini yanada oshirish hamda iqtidorli yoshlarni qo‘llab-quvvatlash borasida tizimli ishlar amalga oshirildi.
Kafedra huzurida faoliyat yuritayotgan “Tarix – Kecha va Bugun” ilmiy to‘garagi hamda “Manbashunoslik”, “Tarixiy geografiya”, “Tarixiy o‘lkashunoslik va turizm”, “Jahon tarixi”, “O‘rta Osiyo sulolalari tarixi”, “O‘zbekistonning eng yangi tarixi”, “Muzeyshunoslik” va “O‘zbekiston tarixi” fan to‘garaklari tasdiqlangan ish rejalari asosida faoliyat olib bormoqda.
O‘quv yili davomida barcha to‘garaklar har oyda ikki marotabadan muntazam ravishda tashkil etilib, talabalarning nazariy bilimlarini mustahkamlash, amaliy ko‘nikmalarini rivojlantirish va ilmiy tadqiqotlarga jalb etishga xizmat qilmoqda.
Ilmiy to‘garak
Fan to‘garagi
Fan to‘garagi
Fan to‘garagi
Fan to‘garagi
Fan to‘garagi
Fan to‘garagi
Fan to‘garagi
Fan to‘garagi
To‘garaklar faoliyati davomida talabalarning ilmiy maqolalar tayyorlashi, ilmiy-amaliy konferensiyalarda ishtirok etishi, turli tanlov va olimpiadalarda qatnashishi hamda ilmiy izlanish olib borish ko‘nikmalarini rivojlantirishga alohida e’tibor qaratildi. Natijada ko‘plab talabalar ilmiy ishlari bilan respublika va xalqaro miqyosdagi anjumanlarda muvaffaqiyatli ishtirok etib kelmoqdalar.
2026-yilda Toshtemirova Rayhona “Bobur” nomli davlat stipendiyasi sohibasi bo‘ldi. 2026-yilda Qarshiyev Fazliddin “Alisher Navoiy” nomli davlat stipendiyasiga sazovor bo‘ldi.


