Termiz davlat pedagogika institutida “Karyera kuni” mehnat yarmarkasi o‘tkazildi

2026-yil 15-may Termiz davlat pedagogika institutida yoshlar festivali doirasida “Karyera kuni” mehnat yarmarkasi tashkil etildi. Unda institut talabalari, bitiruvchilar va mehmonlar ish bozori bilan tanishib, kelajak rejalarini aniqlashtirish imkoniga ega bo‘ldi.

Yarmarka bitiruvchi yoshlarni ish bilan ta’minlash va ularga mehnat bozoridagi imkoniyatlarni ko‘rsatish uchun o‘tkazildi. Oliy ta’lim muassasasini tugatayotgan yoshlar uchun mutaxassisligiga mos ish topish eng muhim masalalardan biri bo‘lib qolmoqda.

  • Viloyatning barcha shahar va tumanlaridagi bo‘sh ish o‘rinlari haqida batafsil ma’lumot berildi.
  • Ish beruvchi tashkilot va korxona vakillari qanday mutaxassislar kerakligi, ish sharoitlari va mehnat haqi bo‘yicha savollarga javob berdi.
  • Ishtirokchilar qiziqqan yo‘nalishlari bo‘yicha mutaxassislardan maslahat oldi.
  • Bo‘sh ish o‘rinlariga joyida ariza topshirish va ish beruvchilar bilan keyingi hamkorlikni yo‘lga qo‘yish imkoni yaratildi.

Bunday tadbirlar talabalarga kasbni to‘g‘ri tanlash, mehnat bozori talablarini o‘rganish va salohiyatini ko‘rsatishda yordam beradi. “Karyera kuni” yoshlar bandligini oshirishga hamda ta’lim va mehnat bozori hamkorligini mustahkamlashga xizmat qilmoqda.

 

 

 

Talabalar amaliyoti bo‘limi boshlig‘i F.Pardayev