.png)
Psixologiya fanlari bo‘yicha falsafa doktori (PhD), dotsent, kafedra mudiri.
Amaliy psixologiya kafedrasida O‘zbekiston Respublikasi Prezidenti Shavkat Mirziyoyevning 2022-yil 21-iyundagi “Pedagogika ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari” to‘g‘risidagi PQ-289-sonli qaroriga asosan bir qator samarali ishlar amalga oshirib kelinmoqda.
Kafedrada 16 nafar professor-o‘qituvchi faoliyat yuritadi. Shundan 12 nafari asosiy shtatda, 4 nafari ichki o‘rindosh o‘qituvchilar hisoblanadi. Kafedrada 1 nafar psixologiya fanlari nomzodi, professor, 2 nafar psixologiya fanlari bo‘yicha falsafa doktori (PhD), dotsent, 4 nafar katta o‘qituvchi va 9 nafar o‘qituvchi talabalarga psixologiya fanining asoslari va maxsus yo‘nalishlaridan saboq berib kelmoqda.
Kafedraning ilmiy salohiyati 20 foizni tashkil etadi. Kafedra qoshida tashkil etilgan “Eksperimental psixologiya” laboratoriyasida psixologik xizmat yo‘lga qo‘yilgan bo‘lib, turli yosh toifasidagi shaxslarga psixologik yordam ko‘rsatilmoqda.
60310300 – Psixologiya va 60310900 – Psixologiya faoliyat turlari bo‘yicha yo‘nalishlarida 178 nafar talaba tahsil olmoqda.
70310301 – Psixologiya mutaxassisligida 9 nafar magistrant tahsil olmoqda. Jumladan, 2 nafari xorijiy fuqarolardir.
19.00.05 – Ijtimoiy psixologiya, etnopsixologiya hamda 19.00.06 – Yosh va pedagogik psixologiya, rivojlanish psixologiyasi ixtisosliklarida 6 nafar doktorant ilmiy izlanish olib bormoqda.
2025–2026-o‘quv yilida kafedra professor-o‘qituvchilari tomonidan 3 ta darslik, 3 ta o‘quv qo‘llanma, 9 ta monografiya, 8 ta dasturiy mahsulot mualliflik guvohnomasi, 5 ta uslubiy qo‘llanma va 10 dan ortiq uslubiy ishlanma tayyorlangan.
Shuningdek, yuqori impakt-faktorli nufuzli xorijiy jurnallarda 10 ta, Scopus va Web of Science bazalarida indekslanuvchi jurnallarda 3 ta, xorijiy va mahalliy jurnallarda 50 dan ortiq, xorijiy va mahalliy konferensiyalarda 100 ga yaqin ilmiy maqola va tezislar nashr etilgan.
Amaliy psixologiya kafedrasi xorijiy oliy ta’lim muassasalari bilan samarali hamkorlikni yo‘lga qo‘ygan. Hamkorlik professor-o‘qituvchilar o‘rtasida tajriba almashish, qo‘shma ta’lim dasturlarini ishlab chiqish va malakali mutaxassislar tayyorlash imkoniyatlarini kengaytirish orqali ta’lim sifatini oshirishga xizmat qiladi.
Ilmiy-tadqiqot yo‘nalishida qo‘shma loyihalarni amalga oshirish, xalqaro konferensiyalar tashkil etish, ilmiy maqolalar, o‘quv qo‘llanmalar va darsliklar nashr etish rejalashtirilgan. Zamonaviy innovatsiyalarni o‘zlashtirish, ilg‘or tajribalarni amaliyotga joriy etish, yangi texnologiyalarni o‘rganish, masofaviy ta’lim va qo‘shma onlayn kurslarni rivojlantirish ham hamkorlikning muhim yo‘nalishlaridandir.
Kafedraning uch nafar professor-o‘qituvchisi xorijiy til bo‘yicha bilim darajasini tasdiqlovchi B2 darajadagi til sertifikatlariga ega.
Psixologiya yo‘nalishi talabalarining nazariy bilimlarini amaliyotda qo‘llashi va kasbiy bilimlarini boyitishi uchun kafedra qoshida talabalar to‘garaklari tashkil etilgan. Ushbu to‘garaklar orqali talabalar quyidagi yo‘nalishlarda rivojlantiriladi:
To‘garaklarda talabalar ishtirokida turli bahs-munozaralar, tanlovlar va seminarlar tashkil etilib, psixologik bilimlarni real amaliy muhitda rivojlantirish imkoniyati yaratiladi.
Turi: ilmiy to‘garak
Rahbar: Axmedov B.T.
A’zolar soni: 40
Turi: fan to‘garagi
Rahbar: Imonova M.B.
A’zolar soni: 310
Turi: ilmiy to‘garak
Rahbar: Normuminov Sh.E.
A’zolar soni: 42
Amaliy psixologiya kafedrasi tomonidan ma’naviy-ma’rifiy tadbirlar rejasi ishlab chiqilgan va tasdiqlangan. Mazkur reja asosida barcha tadbirlar belgilangan muddatlarda o‘tkazilib, rasmiy bayonnomalar rasmiylashtiriladi.
2025–2026-o‘quv yilida yoshlarning bo‘sh vaqtini mazmunli tashkil etishga qaratilgan “Yo‘l xaritasi”da belgilangan vazifalar reja asosida amalga oshirilmoqda.
Yoshlarni madaniyat, san’at, jismoniy tarbiya va sportga keng jalb qilish, axborot texnologiyalaridan foydalanish ko‘nikmalarini rivojlantirish, kitobxonlikni targ‘ib qilish hamda xotin-qizlar bandligini ta’minlashga qaratilgan “Besh muhim tashabbus” doirasida keng ko‘lamli ishlar olib borilmoqda.
Yoshlarni Vatanga, oilaga va istiqlol g‘oyalariga muhabbat va sadoqat ruhida tarbiyalash, milliy va umuminsoniy qadriyatlarga hurmatini mustahkamlash bo‘yicha tizimli ishlar amalga oshirilmoqda.