Termiz davlat pedagogika institutini quyosh panellari bilan ta'minlash oyiga 153 million so'mni tejashga va yiliga 734 million so'm daromad olishga imkon berdi.
Bugungi kunda mamlakatimizda iqtisodiyot tarmoqlari, ijtimoiy obyektlar va turar-joy qurilishida muqobil energiyadan foydalanish bo'yicha bir qator ustuvor loyihalar amalga oshirilmoqda. Davlatimiz rahbarining joriy yilning 16-fevraldagi 2025-yilda qayta tiklanadigan energiya manbalari va energiya tejaydigan texnologiyalarni joriy etishni jadallashtirish chora-tadbirlari to'g'risidagi qarori mamlakatimizda energiya taqchilligini qoplashni ta'minlashga qaratilgan muhim hujjatga aylandi. Termiz davlat pedagogika instituti qayta tiklanadigan energiya manbalari va energiya tejaydigan texnologiyalarni joriy etish bo'yicha katta ishlarni amalga oshirmoqda.
Xususan, universitet 4 ta kampusda jami 910 kVt/soat elektr energiyasi ishlab chiqaradigan quyosh panellarini o'rnatdi. Foydalanishga yaroqsiz, yuqori darajada sho'rlangan sobiq poligonda qurilgan geliopoligonga 510 kVt/soat quvvatga ega quyosh panellari o'rnatildi. "Natijada oyiga 152 880 kVt elektr energiyasi ishlab chiqarildi, 152 880 000 so'm tejaldi. Termiz shahar elektr tarmoqlari kompaniyasiga soatiga 254,8 kVt ortiqcha elektr energiyasini sotish bo'yicha shartnoma imzolash jarayoni ham davom etmoqda. Natijada oyiga 61 million 152 ming so'm (61 152 kVt) va yiliga taxminan 734 million so'm (733 824 kVt) daromad olish mumkin bo'ladi.