Volontyorlar uchun uchrashuv
Termiz davlat pedagogika institutida tashkil etilgan "Mehrlab" inklyuziv volontyorlik guruhi a'zolari uchun 1-seminar darslari bo'lib o'tdi. Seminarda "Volontyor kim?", "Volontyorlikning oltin qoidasi" mavzulari to'g'risida tushunchalar berildi.
Shuningdek, Amaliy ingliz tili kafedrasi o'qituvchisi H.Nuriddinova ham seminarda bevosita ishtirok etib, imkoniyati cheklangan yoki ijtimoiy himoyaga muhtoj talaba-yoshlarga xorijiy tillarni bepul tarzda o'qitish g'oyasini ilgari surdi va ushbu loyihani yo'lga qo'yishga kelishib olindi.
Ma'lumot o'rnida, seminar darslari 1 oy davomida Surxondaryo volontyorlar maktabi mentor-treneri, Tillar fakulteti 4-bosqich talabasi X.Tojimurodova tomonidan olib boriladi.
✍️ TerDPI matbuot xizmati