“DEKAN KUBOGI” SARALASH MUSOBAQASI O‘TKAZILDI
Termiz davlat pedagogika instituti Pedagogika va ijtimoiy fanlar fakultetida 5 ta muhim tashabbus doirasida 1-kurs talabalari o‘rtasida futbol sport turi bo‘yicha “Dekan kubogi” saralash musobaqasi tashkil etildi.
Musobaqa yoshlar o‘rtasida sportni yanada ommalashtirish, ularning bo‘sh vaqtini mazmunli tashkil etish hamda sog‘lom turmush tarzini targ‘ib qilishga qaratilgan bo‘lib, unda fakultetning 1-kurs talabalari o‘z jamoalari bilan faol ishtirok etdilar.
Bellashuvlar davomida jamoalar g‘alaba uchun bor kuch va imkoniyatlarini ishga solib, tezkorlik, chaqqonlik, jismoniy tayyorgarlik hamda jamoaviy hamkorlik borasidagi mahoratlarini namoyish etdilar. Maydondagi har bir bahs talabalar uchun o‘z sport salohiyatini sinovdan o‘tkazish, jamoa bilan birgalikda harakat qilish va sog‘lom raqobat muhitida tajriba orttirish imkonini berdi.
Musobaqada faol qatnashgan barcha talabalarni munosib ishtiroki bilan e’tirof etamiz va kelgusidagi bellashuvlarda ularga omad tilaymiz!