Bilimlar kuni

YANGI MASKAN, YANGI IMKONIYATLAR: AKADEMIK LITSEYDA YANGI O‘QUV YILI BOSHLANDI

Bugun Termiz davlat pedagogika instituti Akademik litseyida 2026/2027-o‘quv yili hamda yangi ta’lim maskanining ochilishiga bag‘ishlangan tantanali tadbir bo‘lib o‘tdi.

Tadbirda Termiz davlat pedagogika instituti rektori A.Xasanov tomonidan o‘quvchilar Mustaqillikning 35 yilligi hamda yangi o‘quv yili boshlanishi bilan samimiy muborakbod etildi.
Shuningdek, litsey fondini boyitish maqsadida institut tomonidan yangi adabiyotlar jamlanmasi taqdim etildi. Tadbir davomida litseyga yuqori ball bilan qabul qilingan o‘quvchilar alohida e’tirof etilib, ularga tashakkurnomalar va esdalik sovg‘alari topshirildi.
 

Ma'lumot o'rnida, Termiz davlat pedagogika instituti tasarrufiga O‘zbekiston Respublikasi Prezidentining 2022-yil 21-iyundagi qarori asosida o‘tkazilgan Akademik litsey dastlab Qiziriq tumanida faoliyat yuritgan. Joriy o‘quv yilidan boshlab esa litsey Termiz shahri, “Farhod” mahallasi, “Bahoriston” ko‘chasidagi yangi maskanda o‘z faoliyatini davom ettirmoqda.
Yangi o‘quv binosi 400 o‘rinli, yotoqxona esa 180 o‘rinli bo‘lib, o‘quvchilar uchun zamonaviy va qulay ta’lim sharoitlari yaratilgan. Litseyda aniq, tabiiy, xorijiy filologiya hamda ijtimoiy-gumanitar yo‘nalishlar bo‘yicha oliy ma’lumotli pedagog faoliyat yuritmoqda.



Tadbirning badiiy qismida o‘quvchilar tomonidan tayyorlangan musiqiy va badiiy chiqishlar namoyish etilib, bayramona kayfiyatga yanada ko‘tarinkilik bag‘ishladi.

Yangi maskandagi yangi o‘quv yili barchaga ulkan zafarlar, ilmiy izlanishlar va yangi marralar olib kelsin!