“BILIMLAR KUNI”: PREZIDENT TABRIGI VA SOVG‘ASI O‘QUVCHILARGA YETKAZILDI
Bugun yurtimizdagi barcha umumiy o‘rta ta’lim maktablarida yangi 2026/2027-o‘quv yilining boshlanishi munosabati bilan “Birinchi qo‘ng‘iroq” — “Bilimlar kuni” tadbirlari keng nishonlanmoqda.
Shu munosabat bilan Termiz davlat pedagogika instituti o‘quv ishlari bo‘yicha prorektori Angor tumanidagi 33-sonli umumiy o‘rta ta’lim maktabida tashkil etilgan bayram tadbirida ishtirok etdi.
Tadbirda O‘zbekiston Respublikasi Prezidenti Shavkat Mirziyoyevning yangi o‘quv yili munosabati bilan yo‘llagan tabrigi o‘qib eshittirildi. Shuningdek, maktabning 1-sinfga qadam qo‘ygan o‘quvchilariga “Prezident sovg‘asi” tantanali ravishda topshirildi.
L. Bozorov bayram tadbirida ilk bor maktab ostonasiga qadam qo‘ygan jajji o‘quvchilarni samimiy muborakbod etib, ularga yangi o‘quv yilida muvaffaqiyat, quvonch va ulkan yutuqlar tiladi.
Shuningdek, yosh avlodning puxta bilim olishi, ustozlar mehnatini qadrlashi, berilayotgan imkoniyatlardan unumli foydalanishi hamda kelajak sari dadil qadam tashlashi muhim ekani ta’kidlandi.