E'lon

“Termiz shahrining ijtimoiy-iqtisodiy va madaniy taraqqiyoti (1925–2026 yillarda)” mavzusida xalqaro ilmiy-amaliy konferensiya

2026-yil 8–9-oktabr kunlari Termiz davlat pedagogika institutida “Termiz shahrining ijtimoiy-iqtisodiy va madaniy taraqqiyoti (1925–2026 yillarda)” mavzusida xalqaro ilmiy-amaliy konferensiya o‘tkaziladi.

2026-yil 8–9-oktabr

Axborot xati: batafsil ma’lumot bilan tanishish

Konferensiyaning asosiy maqsadi — Termiz shahrining 1925–2026 yillar davomida siyosiy, ijtimoiy-iqtisodiy va madaniy taraqqiyotini ilmiy jihatdan o‘rganish, yangi ilmiy manbalar va tadqiqot natijalarini ilmiy jamoatchilikka taqdim etish, shuningdek, Termizning tarixiy-madaniy merosi va zamonaviy rivojlanish istiqbollarini muhokama qilishdan iborat.

Mazkur xalqaro ilmiy-amaliy konferensiya oflayn va onlayn formatlarda, shuningdek, ZOOM platformasi orqali tashkil etiladi.

Konferensiyada ishtirok etish uchun barcha professor-o‘qituvchilar, ilmiy-tadqiqot muassasalari xodimlari, tadqiqotchilar, doktorantlar, magistrantlar hamda yosh olimlar taklif etiladi.

Barchangizni xalqaro ilmiy-amaliy konferensiyada faol ishtirok etishga taklif etamiz!