Germaniya oliy ta’lim muassasalari bilan hamkorlikning yangi istiqbollari muhokama qilindi
Termiz davlat pedagogika institutiga Germaniya Federativ Respublikasining Myunster universiteti Germanistika instituti professori, Germaniya–O‘zbekiston universitetlar tarmog‘i loyihasi akademik rahbari Prof. Dr. Silvia Reuvekamp va Vuppertal universiteti professori Prof. Dr. Matthias Martinez tashrif buyurdi.
Tashrif doirasida institut rektori
A. Xasanov, Xalqaro hamkorlik bo‘limi boshlig‘i U. Eshmuratov hamda Gumanitar yo‘nalishlarda xorijiy tillar kafedrasi mudiri
Z. Shirnazarova ishtirokida uchrashuv o‘tkazildi.
Uchrashuvda institutning Germaniyaning yetakchi oliy ta’lim muassasalari bilan hamkorligini yangi bosqichga olib chiqish masalalari muhokama qilindi. Xususan, akademik almashinuv, 1+1 qo‘shma ta’lim dasturini yo‘lga qo‘yish, yozgi maktab tashkil etish, Erasmus+ doirasidagi qo‘shma loyihalar hamda ilmiy hamkorlikni rivojlantirish istiqbollari ko‘rib chiqildi.
Shuningdek, institutda faoliyat yuritayotgan Nemis tili markazini rivojlantirish, uning ta’limiy va moddiy-texnik imkoniyatlarini kengaytirish bo‘yicha ham fikr almashildi.
Uchrashuv yakunida tomonlar kelishilgan yo‘nalishlar bo‘yicha amaliy hamkorlikni davom ettirishga kelishib oldilar. Mehmonlarga institut nomidan esdalik sovg‘alari topshirildi.