Yagona Vatan, yagona xalq — ezgulik va mehr-oqibat sari!
O‘zbekiston Respublikasi davlat mustaqilligining 35 yilligi munosabati bilan Surxondaryo viloyatida “Yagona Vatan, yagona xalq bo‘lib, yangi hayot va kelajak yaratamiz!” shiori ostida ezgulik va mehr-oqibat chellenji davom etmoqda.
Mazkur ezgu tashabbus doirasida Termiz davlat pedagogika instituti rektori Xasanov Azizbek Baxtiyorovich tashabbusi bilan Termiz shahrining Manguzar mahallasida yashovchi ijtimoiy himoyaga muhtoj oilalarning 7 nafar maktab o‘quvchisiga Mustaqillik bayrami munosabati bilan maktab sumkalari hamda 16 turdagi o‘quv qurollari sovg‘a qilindi.
O‘quv qurollari va maktab sumkalarining topshirilishi bolajonlarning yangi o‘quv yilini ko‘tarinki kayfiyatda boshlashi, ta’lim olishga bo‘lgan qiziqishini yanada oshirishga qaratildi.
Mazkur tashabbus orqali yosh avlodga e’tibor va g‘amxo‘rlik ko‘rsatish, oilalarni qo‘llab-quvvatlash, mehr-oqibat va insonparvarlik kabi ezgu qadriyatlarni keng targ‘ib etishga alohida e’tibor qaratilmoqda.