Xorijiy va nodavlat oliy ta’lim muassasalaridan o‘qishni ko‘chirish bo‘yicha kasbiy (ijodiy) imtihonlar o‘tkazildi
Termiz davlat pedagogika institutida xorijiy va nodavlat oliy ta’lim muassasalaridan institutning bakalavriat ta’lim yo‘nalishlariga o‘qishni ko‘chirish istagida bo‘lgan talabgorlar uchun kasbiy (ijodiy) imtihonlar belgilangan tartibda o‘tkazildi.
Imtihonlar Jismoniy madaniyat, Sport faoliyati (kurash), Tasviriy san’at va muhandislik grafikasi ta’lim yo‘nalishlari bo‘yicha tashkil etildi.
Jarayon tegishli me’yoriy-huquqiy hujjatlar, tasdiqlangan imtihon dasturlari hamda baholash mezonlari asosida o‘tkazilib, unda xolislik, adolat va shaffoflik tamoyillariga alohida e’tibor qaratildi.
Kasbiy (ijodiy) imtihonlar jarayoni belgilangan tartibda videokuzatuv ostida tashkil etildi. Shuningdek, talabgorlar uchun zarur sharoitlar yaratilib, imtihonlarning tartibli va sifatli o‘tkazilishi ta’minlandi.