XALQARO MARAFONDA MUNOSIB NATIJA — 1-O‘RIN!

Termiz davlat pedagogika instituti Sport mashg‘ulotlari nazariyasi va metodikasi yo‘nalishi 1-bosqich magistranti Xurramova Shoxsanam xalqaro sport musobaqalarida navbatdagi yuqori natijani qayd etdi.

Talas shahrida (Qirg‘iziston) bo‘lib o‘tgan xalqaro marafonda 10 kilometr masofaga yugurish bo‘yicha ishtirok etib, 1-o‘rinni qo‘lga kiritdi. Ushbu natija Xurramova Shoxsanamning sportdagi mahorati, jismoniy tayyorgarligi va yuqori natijalarga intiluvchanligining yana bir yorqin namunasidir.

Eslatib o‘tamiz: Xurramova Shoxsanam 13-sentabr kuni Xiva shahrida o‘tkazilgan Xalqaro “Silk Road” musobaqasida ham 5 kilometr masofaga yugurish bo‘yicha 1-o‘rinni egallagan edi.

Shuningdek, sportchining yuqori natijalarga erishishida munosib hissa qo‘shib kelayotgan Jismoniy madaniyat kafedrasi dotsenti, ustozi Raimov Hamidga alohida minnatdorchilik bildiramiz.

Xurramova Shoxsanamga kelgusidagi xalqaro musobaqalarda ham ulkan zafarlar, yangi marralar va omad tilaymiz!