Jaholatga qarshi ma’rifat” — ma’naviy-ma’rifiy targ‘ibot tadbiri o’tkazildi

Termiz davlat pedagogika institutida talaba-yoshlarning diniy-ma’rifiy bilimlarini oshirish, turli yot g‘oyalarga qarshi mafkuraviy immunitetini mustahkamlash maqsadida “Jaholatga qarshi ma’rifat” mavzusida ma’naviy-ma’rifiy tadbir tashkil etildi.

Tadbirda Surxondaryo viloyati Terrorizmga qarshi kurashish boshqarmasi mafkuraviy targ‘ibot guruhi rahbari Ilyos Suyunov hamda Imom Termiziy nomidagi Islom instituti rektori Kamol Ismoilov ishtirok etib, talaba-yoshlarga jaholat, ekstremistik va zararli g‘oyalarning salbiy oqibatlari, ulardan himoyalanish hamda ma’rifatning inson hayotidagi o‘rni haqida muhim fikr va tavsiyalar berdilar.

Tadbir davomida yoshlarning ma’naviy dunyoqarashini yuksaltirish, hushyorlik va ogohlikni kuchaytirish, faol fuqarolik pozitsiyasini shakllantirish masalalariga alohida e’tibor qaratildi.