Juma - milliy liboslar kuni

Termiz davlat pedagogika institutida har juma kuni Milliy liboslar kuni sifatida nishonlanib, professor-o‘qituvchilar, xodimlar va talabalar milliy liboslarda ta’lim hamda mehnat faoliyatini olib bormoqda. Maktabgacha va boshlang‘ich ta’lim fakulteti talaba qizlari ham milliy liboslarda gavdalanib, xalqimizning boy milliy qadriyatlari, urf-odat va an’analariga bo‘lgan hurmatini namoyon etdilar.

Ushbu ezgu tashabbus orqali milliy qadriyatlarimiz, urf-odat va an’analarimizga hurmat, milliy g‘urur va iftixor tuyg‘ularini yanada mustahkamlashga e’tibor qaratilmoqda.

Milliy liboslarimiz — xalqimizning tarixi, madaniyati, ma’naviyati va o‘ziga xosligini aks ettiruvchi bebaho merosdir.