TERMIZ DAVLAT PEDAGOGIKA INSTITUTIDA TASHKIL ETILGAN “OCHIQ ESHIKLAR KUNI” BO‘YICHA MA’LUMOT

Termiz davlat pedagogika institutida abituriyentlar, bitiruvchi sinf o‘quvchilari, akademik litsey va kasb-hunar maktablari o‘quvchilari uchun qator “Ochiq eshiklar kuni” tadbirlari tashkil etildi. Tadbirlarning asosiy maqsadi yoshlarni oliy ta’lim muassasasi faoliyati bilan yaqindan tanishtirish, kasb tanlashga yo‘naltirish hamda 2026/2027-o‘quv yili qabuli yuzasidan batafsil ma’lumot berishdan iborat bo‘ldi.

Jumladan, institut Talabalar amaliyoti bo‘limi tashabbusi bilan “Ochiq eshiklar kuni” tadbirlari o‘tkazilib kelinmoq. Tadbir davomida institut rahbariyati va mas’ul xodimlar tomonidan ta’lim yo‘nalishlari, qabul jarayonlari hamda talabalar uchun yaratilgan imkoniyatlar haqida ma’lumot berildi. O‘quvchilar Axborot-resurs markazi, sport zallari, zamonaviy auditoriyalar va laboratoriyalar bilan tanishtirildi.

Shuningdek, institut qoshidagi akademik litsey o‘quvchilari uchun ham alohida “Ochiq eshiklar kuni” tashkil etilib, ularga o‘quv binolari, faollar zali, Axborot-resurs markazi hamda talabalar turar joylari bo‘ylab ekskursiya uyushtirildi.

Tadbirlar doirasida viloyatdagi umumta’lim maktablari, akademik litseylar va kasb-hunar maktablari bitiruvchilari institutga taklif qilinib, ular uchun:

· ta’lim yo‘nalishlari va mutaxassisliklar taqdimoti;

· zamonaviy laboratoriyalar va o‘quv auditoriyalariga sayohat;

· professor-o‘qituvchilar bilan ochiq muloqot;

· grant va kontrakt asosida o‘qish imkoniyatlari haqida maslahatlar;

· talabalar turar joylari va sport inshootlari bilan tanishtirish ishlari tashkil etildi.

O‘tkazilgan “Ochiq eshiklar kuni” tadbirlari orqali minglab bitiruvchi yoshlar Termiz davlat pedagogika institutining ta’lim muhiti, moddiy-texnik bazasi, qabul jarayonlari va talabalar uchun yaratilgan imkoniyatlar bilan yaqindan tanishish imkoniyatiga ega bo‘ldilar. Tadbirlar yoshlarni ongli kasb tanlashga yo‘naltirish va institut nufuzini targ‘ib etishda muhim ahamiyat kasb etdi.

 

 

Talabalar amaliyoti bo‘limi boshlig‘i F.Pardayev