Termiz davlat pedagogika institutida “Qogʻozsiz bir kun” ekoaksiyasi oʻtkazildi

Oliy ta’lim, fan va innovatsiyalar vazirligining tegishli buyrugʻi ijrosini ta’minlash maqsadida Termiz davlat pedagogika institutida “Qogʻozsiz bir kun” ekoaksiyasi tashkil etildi.

 Aksiya doirasida institutning barcha tarkibiy bo‘linmalarida hujjatlar almashinuvi va xizmat yozishmalari imkon qadar elektron shaklda amalga oshirildi. Shuningdek, qog‘oz sarfini qisqartirish, raqamli texnologiyalardan samarali foydalanish hamda ekologik madaniyatni yanada yuksaltirishga qaratilgan targ‘ibot ishlari olib borildi.

Mazkur tashabbus orqali qog‘ozdan oqilona foydalanish, tabiiy resurslarni asrash, ish jarayonlarini raqamlashtirish hamda atrof-muhitni muhofaza qilish borasidagi mas’uliyatni kuchaytirishga alohida e’tibor qaratildi.