Termiz davlat pedagogika institutida huquqiy madaniyatni yuksaltirishga qaratilgan targ‘ibot tadbiri o‘tkazildi

O‘zbekiston Respublikasi Vazirlar Mahkamasining 2026-yil 24-apreldagi 202-son qarori ilovasining 42-bandida belgilangan vazifalar hamda Maktabgacha va maktab ta’limi vazirligining 2026-yil 29-apreldagi 04-92-sonli "2026–2027-yillarda jamiyatda huquqiy madaniyatni yuksaltirish bo‘yicha chora-tadbirlar rejasi" ijrosini ta’minlash maqsadida 2026-yil 22-iyul kuni Termiz davlat pedagogika institutida professor-o‘qituvchilar va xodimlar ishtirokida huquqiy targ‘ibot tadbiri tashkil etildi.
Tadbir davomida ishtirokchilarga aholi o‘rtasida huquqiy nigilizm holatlarini bartaraf etish, fuqarolarda huquqbuzarliklarning jamiyat va davlat taraqqiyotiga salbiy ta’siri to‘g‘risida to‘g‘ri huquqiy dunyoqarashni shakllantirish, qonunlarga hurmat ruhini mustahkamlash hamda huquqbuzarliklarning oldini olish masalalari yuzasidan batafsil tushuntirishlar berildi.
Shuningdek, korrupsiyaga qarshi kurashish, manfaatlar to‘qnashuvining oldini olish, xizmat intizomiga rioya etish va amaldagi qonunchilik talablarini so‘zsiz bajarishning ahamiyati alohida ta’kidlandi. Tadbir davomida ishtirokchilar bilan ochiq muloqot o‘tkazilib, ularni qiziqtirgan savollarga atroflicha javoblar berildi.
Mazkur targ‘ibot tadbiri institut jamoasining huquqiy ongi va huquqiy madaniyatini yuksaltirish, qonuniylikni ta’minlash hamda korrupsiyaga nisbatan murosasiz munosabatni shakllantirishga xizmat qildi.
Termiz davlat pedagogika instituti
Korrupsiyaga qarshi kurashish va komplayens nazorati bo‘limi