Deputat va fuqaro uchrashuvi

Surxondaryo viloyati Kengashi deputati A.Xasanov tomonidan Sho‘rchi tumanining “Shakarko'l” mahalla fuqarolar yig‘inida saylovchilar bilan navbatdagi uchrashuv o‘tkazildi.

Uchrashuv avvalida deputat tomonidan joriy yilning shu davriga qadar amalga oshirilgan ishlar, okrug hududida bajarilgan loyihalar hamda fuqarolar murojaatlari ijrosi yuzasidan ma’lumot berildi.

Muloqot davomida fuqarolar tomonidan “Shakarko'l” mahallasidagi 32-maktab hududida yopq sport zal binosini barpo etish, bolalar bog'chasi faoliyatini yo'lga qo'yish, aholi bandligini ta’minlash, eski sim yog'ochdagi elektr simlarini yangi o'rnatilgan beton ustunlariga ko'chirish bilan bog‘liq masalalarni hal etish shuningdek suyultirilgan gaz ballonlarini o‘z vaqtida yetkazib berish masalalari ko‘tarildi.

Bildirilgan murojaatlarning ayrimlari yuzasidan mutaxassislar tomonidan joyida huquqiy tushuntirish va tavsiyalar berildi. Qo‘shimcha o‘rganish hamda tegishli choralar ko‘rishni talab etuvchi masalalar deputat nazoratiga olinib, ular bo‘yicha mas’ul tashkilotlarga deputatlik so‘rovlari yuborilishi belgilandi.

Murojaatlarni o‘z vaqtida tegishli mutasaddi tashkilotlar bilan ko‘rib chiqish va ularning yechimini ta’minlash fuqarolarning turmush tarzini yanada rivojlantirish uchun xizmat qiladi