“Sog‘lom tanda – sog‘lom fikr” shiori ostida shaxmat-shashka musobaqasi o‘tkazildi
Termiz davlat pedagogika instituti Maktabgacha va boshlang‘ich ta’lim fakulteti talabalari ishtirokida yozgi ta’til davrida talabalarning bo‘sh vaqtini mazmunli tashkil etish hamda ularning intellektual va jismoniy faolligini qo‘llab-quvvatlash maqsadida “Sog‘lom tanda – sog‘lom fikr” shiori ostida onlayn va oflayn shaxmat-shashka musobaqalari tashkil etildi.
Musobaqa davomida ishtirokchilar mantiqiy fikrlash, strategik yondashuv va o‘z mahoratini namoyon etib, bellashuvlarda faol ishtirok etdilar. Do‘stona va sog‘lom raqobat muhitida o‘tgan musobaqa yoshlar o‘rtasida sportni ommalashtirish, sog‘lom turmush tarzini targ‘ib etish hamda bo‘sh vaqtni mazmunli tashkil etishga xizmat qildi.
Bunday intellektual musobaqalar talaba-yoshlarning fikrlash salohiyatini rivojlantirish, jamoaviy hamjihatlikni mustahkamlash va sog‘lom turmush tarzini keng targ‘ib etishda muhim ahamiyat kasb etadi.