Himoya 2026

DISSERTATSIYA ISHI MUVAFFAQIYATLI HIMOYA QILINDI

Termiz davlat pedagogika instituti “Matematika va informatika” kafedrasi o‘qituvchisi O‘taganova Umida Egamberdi qizi Abu Rayhon Beruniy nomidagi Urganch davlat universiteti huzuridagi Ilmiy darajalar beruvchi ilmiy kengashda “Ekonometrika va statistika” ixtisosligi bo‘yicha “Farmatsevtika sanoati rivojlanish tendensiyalarining statistik tadqiqi (Surxondaryo viloyati misolida)” mavzusidagi dissertatsiya ishini muvaffaqiyatli himoya qilib, iqtisodiyot fanlari bo‘yicha falsafa doktori (PhD) ilmiy darajasini qo‘lga kiritdi.

Ushbu yuksak ilmiy yutuq bilan O‘taganova Umida Egamberdi qizini samimiy muborakbod etamiz.

Termiz davlat pedagogika instituti jamoasi nomidan olimaga mustahkam sog‘lik, ilmiy va pedagogik faoliyatida ulkan muvaffaqiyatlar, yangi ilmiy izlanishlarida yuksak zafarlar tilaymiz.