Yetakchi xorijiy oliy ta’lim va ilmiy tashkilotlar bilan hamkorlik doirasidagi xalqaro dasturda ishtirok etish imkoniyati!
Termiz davlat pedagogika institutida yosh olimlar va professor-o‘qituvchilarning xalqaro tajribasini oshirish, xorijiy oliy ta’lim va ilmiy tashkilotlar bilan hamkorlik aloqalarini rivojlantirish maqsadida Ozarbayjon Respublikasida tashkil etiladigan xalqaro ta’lim-ko‘rgazma dasturida ishtirok etish uchun tanlov e’lon qilinadi.
Tanlov natijalariga ko‘ra, institut professor-o‘qituvchilari va yosh olimlari orasidan 2 nafar nomzod saralab olinadi.
Dastur doirasida ishtirokchilar:
✅ xorijiy oliy ta’lim muassasalari bilan hamkorlik aloqalarini yo‘lga qo‘yish;
✅ qo‘shma ta’lim dasturlari va ilmiy loyihalar bo‘yicha tajriba almashish;
✅ xalqaro akademik hamkorlikni kengaytirish imkoniyatiga ega bo‘ladilar.
Mazkur tashabbus yosh olimlar va professor-o‘qituvchilarning xalqaro dasturlardagi ishtirokini kengaytirish hamda institutning xorijiy hamkorlik aloqalarini rivojlantirishga xizmat qiladi.