Yetakchi xorijiy oliy ta’lim va ilmiy tashkilotlarga qisqa muddatli ilmiy stajirovkaga yuborish doirasida e’lon qilingan tanlov natijalari

Termiz davlat pedagogika institutida talaba-yoshlar va yosh tadqiqotchilarning xalqaro akademik tajribasini oshirish, ilmiy-tadqiqot faoliyatini rivojlantirish hamda yetakchi xorijiy oliy ta’lim tashkilotlari bilan hamkorlik aloqalarini kengaytirish maqsadida qisqa muddatli xalqaro dasturda ishtirok etish uchun tanlov e’lon qilingan edi.

Tanlov natijalariga ko‘ra, institutdan 3 nafar talaba-yoshlar hamda 1 nafar yosh olim saralab olindi. Ular 2026-yil 22–27-iyun kunlari Qozog‘iston Respublikasining Olmaota shahrida Al-Farobiy nomidagi Qozog‘iston milliy universiteti tomonidan tashkil etilgan “Farabi Summer School on Applied Chemistry” nomli II Xalqaro dasturda ishtirok etish imkoniyatiga ega bo‘ldilar.

Mazkur ishtirok yoshlarning xalqaro ilmiy-amaliy tajribasini oshirish, ilmiy-tadqiqot faoliyatini rivojlantirish hamda institutning xorijiy oliy ta’lim tashkilotlari bilan hamkorlik aloqalarini kengaytirishga xizmat qiladi.