Yana bir e’tirof – yana bir yutuq!

25-iyun kuni “INNO” innovatsion o‘quv-ishlab chiqarish texnoparkida 30-iyun — Yoshlar kuni munosabati bilan tantanali taqdirlash marosimi bo‘lib o‘tdi.

Unda Oliy ta’lim, fan va innovatsiyalar vaziri Qo‘ng‘irotboy Sharipov, Innovatsion rivojlanish agentligi, Oliy Majlis Qonunchilik palatasi deputatlari, oliy ta’lim muassasalari rahbarlari, professor-o‘qituvchilar hamda iqtidorli yoshlar ishtirok etdi.

Tadbir davomida respublika miqyosidagi ilmiy-innovatsion tanlov va loyihalarda yuqori natijalarga erishgan yoshlar taqdirlandi.


Quvonarlisi, taqdirlanganlar safida Termiz davlat pedagogika instituti Tabiiy va aniq fanlar fakulteti Kimyo-biologiya kafedrasi o‘qituvchisi Turopova Muxlisa Barot qizi ham bor. U ilmiy-innovatsion faoliyatdagi samarali ishtiroki hamda innovatsion tashabbuslari uchun “Innovatsion g‘oyalar yetakchisi” ko‘krak nishoni bilan taqdirlandi.

Termiz davlat pedagogika instituti jamoasi Muxlisa Barot qizini ushbu yuksak e’tirof bilan samimiy tabriklaydi!