Termiz davlat pedagogika instituti xalqaro ta’lim ko‘rgazmasida ishtirok etmoqda
2026-yil 25–26-iyun kunlari Qirg‘iziston Respublikasining Osh shahrida o‘tkazilayotgan “Study in Uzbekistan” xalqaro ta’lim ko‘rgazmasida Termiz davlat pedagogika instituti ham faol ishtirok etmoqda.
Botirali Siddiqov nomidagi Qirg‘iz-O‘zbekiston xalqaro universiteti tashabbusi bilan tashkil etilgan mazkur nufuzli ko‘rgazma O‘zbekiston oliy ta’lim muassasalarining ta’lim imkoniyatlarini xalqaro maydonda keng targ‘ib qilish, xorijiy abituriyentlarni jalb etish hamda davlatlar o‘rtasidagi ta’lim hamkorligini yanada mustahkamlashga xizmat qilmoqda.
Ko‘rgazmada institut nomidan O‘quv-metodik ta’minot bo‘limi boshlig‘i X.Jumayev hamda Amaliy ingliz tili kafedrasi o‘qituvchisi F.Normamatov ishtirok etib, tashrif buyuruvchilarga institutning ta’lim yo‘nalishlari, ilmiy salohiyati, xalqaro hamkorlik aloqalari va talabalarga yaratilgan imkoniyatlar haqida batafsil ma’lumot berildi.