E’LON
Chexiya Respublikasida qisqa muddatli ilmiy stajirovka va malaka oshirish dasturida ishtirok etish imkoniyati!
Termiz davlat pedagogika instituti hamda Chexiya Respublikasining Czech University of Life Sciences Prague va Prague Institute of Management and Technology oliy ta’lim tashkilotlari o‘rtasidagi hamkorlik doirasida professor-o‘qituvchilar uchun qisqa muddatli ilmiy stajirovka va malaka oshirish dasturlari tashkil etilmoqda.
Mazkur dasturlarda ishtirok etish uchun e’lon qilingan tanlov ko‘ra institut professor-o‘qituvchilari orasidan 20 nafar nomzod tanlab olinadi.
Dastur doirasida ishtirokchilar:
✅ xorijiy oliy ta’lim tashkilotlari tajribasi bilan tanishish;
✅ zamonaviy ta’lim metodlari va ilmiy faoliyat yo‘nalishlarini o‘rganish;
✅ xalqaro tajriba almashinuvida ishtirok etish imkoniyatiga ega bo‘ladilar.
Mazkur tashabbus professor-o‘qituvchilarning xalqaro tajribasini oshirish, ilmiy va pedagogik salohiyatini rivojlantirish hamda institutning xalqaro hamkorlik aloqalarini kengaytirishga xizmat qiladi.