Institut professor-o‘qituvchilarining Rossiya Federatsiyasidagi qisqa muddatli ilmiy stajirovka dasturida ishtiroki uchun e’lon qilingan tanlov natijalari
Termiz davlat pedagogika instituti professor-o‘qituvchilarining ilmiy-tadqiqot faoliyatini rivojlantirish, xorijiy oliy ta’lim va ilmiy tashkilotlar bilan hamkorlik aloqalarini mustahkamlash, ilmiy izlanishlar samaradorligini oshirish maqsadida Rossiya Federatsiyasining Volgograd davlat ijtimoiy-pedagogika universiteti bilan hamkorlik doirasida qisqa muddatli ilmiy stajirovka va malaka oshirish dasturlarida ishtirok etish uchun tanlov e’lon qilingan edi.
Mazkur tanlov doirasida professor-o‘qituvchilarga xorijiy oliy ta’lim muassasasida ilmiy tajriba almashish, qo‘shma ilmiy loyihalar va tadqiqot yo‘nalishlari bo‘yicha tajriba o‘rganish, zamonaviy ilmiy-pedagogik yondashuvlar bilan tanishish imkoniyatlari yaratildi.
Tanlov natijalariga ko‘ra, institut professor-o‘qituvchilari orasidan 2 nafar nomzod saralab olingan bo‘lib, ular Rossiya Federatsiyasining Volgograd davlat ijtimoiy-pedagogika universitetida tashkil etilgan qisqa muddatli ilmiy stajirovka va malaka oshirish dasturida delegatsiya a'zolari qatorida ishtirok etish imkoniyatiga ega bo‘ldilar.