Chexiya Respublikasining yetakchi oliy ta’lim tashkilotlari bilan hamkorlik doirasida e'lon qilingan tanlov natijalari to‘g‘risida
Termiz davlat pedagogika instituti professor-o‘qituvchilarining xalqaro tajribasini oshirish, xorijiy oliy ta’lim va ilmiy tashkilotlar bilan hamkorlik aloqalarini rivojlantirish maqsadida Chexiya Respublikasining Praga shahrida joylashgan Czech University of Life Sciences Prague hamda Prague Institute of Management and Technology universitetlari bilan hamkorlik doirasida qisqa muddatli ilmiy stajirovka va malaka oshirish dasturlarida ishtirok etish uchun tanlov e’lon qilingan edi. Mazkur tanlov doirasida professor-o‘qituvchilarga xorijiy oliy ta’lim muassasalarida tajriba almashish, zamonaviy ta’lim metodlari va ilmiy faoliyat yo‘nalishlari bilan tanishish imkoniyatlari taqdim etilgan. Tanlov natijalariga ko‘ra, institut professor-o‘qituvchilari orasidan 20 nafar nomzod saralab olingan bo‘lib, ular qisqa muddatli ilmiy stajirovka va malaka oshirish dasturlarida ishtirok etish imkoniyatiga ega bo‘ldilar.