Xitoydagi ta’lim sayohatida Termiz davlat pedagogika instituti talabasi ham ishtirok etmoqda

Termiz davlat pedagogika instituti 3-bosqich talabasi To‘xtamurodova Feruza bugungi kunda Xitoy Xalq Respublikasida tashkil etilgan xalqaro ta’lim dasturida faol ishtirok etmoqda.

Feruza Maktabgacha va maktab ta’limi vazirligi hamda “Digital Generation Uzbekistan” NNT tomonidan tashkil etilgan “Raqamli avlod qizlari” Respublika tanlovida o‘zining innovatsion “Scorpio Tox Lab” loyihasi bilan yuqori natijaga erishib, g‘oliblar safidan joy olgan edi va Xitoy davlatiga ta’lim sayohati yo‘llanmasini qo‘lga kiritdi.

Hozirda u xalqaro dastur doirasida Xitoyning ta’lim tizimi, madaniyati va zamonaviy texnologiyalari bilan yaqindan tanishmoqda va shu bilan bir qatorda O‘zbekistonning ko‘p asrlik madaniy merosi, milliy an’analari va qadriyatlarini ham xorijlik ishtirokchilarga tanishtirmoqda.

Dastur davomida ishtirokchilar “Intangible Cultural Heritage Experience: Round Fan Painting” loyihasida qatnashib, an’anaviy xitoy yelpig‘ichlarini bezash san’ati hamda mamlakatning boy madaniy merosi bilan tanishish imkoniyatiga ega bo‘lmoqdalar.