Bir bayroq, bir jamoa, bir maqsad!

Termiz davlat pedagogika institutida institut rektori A.Xasanov tashabbusi bilan professor-o‘qituvchilar, xodimlar hamda jamoatchilik vakillari ishtirokida, O‘zbekiston milliy terma jamoasining Jahon chempionati doirasidagi uchrashuvni kuzatish maqsadida madaniy-ma’rifiy tadbir tashkil etildi.

Ochiq osmon ostida tashkil etilgan mazkur tadbir milliy birdamlik, vatanparvarlik va sportga bo‘lgan mehr tuyg‘ularini yanada mustahkamladi. Ishtirokchilar terma jamoamizni qizg‘in qo‘llab-quvvatlab, har bir vaziyatni katta hayajon va ko‘tarinki ruh bilan kuzatdilar.

Tadbir davomida kuy-qo‘shiqlar yangrab, madaniy hordiq dasturi tashkil etildi. Shuningdek, mehmonlar uchun dasturxon yozilib, samimiy muloqot va do‘stona muhit hukm surdi.

 Milliy jamoamizni qo‘llab-quvvatlash maqsadida tashkil etilgan ushbu tadbir jamoa a’zolarini birlashtirib, yurtimiz sportchilari muvaffaqiyatlariga daxldorlik hissini yanada kuchaytirdi.

Olg’a O’zbekiston! G’alaba sari birga!