TerDPI magistratura bo‘limida magistrlik dissertatsiyalari himoyasi boshlandi
Bugun Termiz davlat pedagogika instituti magistratura bo‘limida bitiruvchi kurs magistrantlarining magistrlik dissertatsiyalari himoyasi jarayonlari boshlandi.
Himoyalar quyidagi ta’lim yo‘nalishlari bo‘yicha tashkil etildi:
70110101 – Pedagogika nazariyasi va tarixi
70110201 – Ta’lim va tarbiya nazariyasi va metodikasi (maktabgacha ta’lim)
70110701 – O‘zbek tili va adabiyoti
70111101 – Ijtimoiy-gumanitar fanlarni o‘qitish metodikasi (ma’naviyat asoslari)
70111301 – Ta’lim va tarbiya nazariyasi va metodikasi (texnologik ta’lim)
Tadbirda Ilmiy ishlar va innovatsiyalar bo‘yicha prorektor Sh. Kuldasheva, Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i A. Qurbonov, O‘quv-uslubiy boshqarma boshlig‘i R. Omonov, magistrlik dissertatsiyalari himoyasi komissiyasi raisi va a’zolari, ilmiy rahbarlar hamda magistrantlar ishtirok etdilar.
Himoya jarayonida magistrantlar o‘z ilmiy-tadqiqot ishlarining maqsad va vazifalari, erishilgan natijalari hamda ularning amaliy ahamiyati yuzasidan taqdimotlar o‘tkazdilar.
Komissiya a’zolari tomonidan dissertatsiya ishlari atroflicha muhokama qilinib, magistrantlarning ilmiy salohiyati va tayyorgarlik darajasiga munosib baho berildi.