Talaba-qizlarning bo‘sh vaqti mazmunli tashkil etilmoqda
Termiz davlat pedagogika institutida amalga oshirilayotgan “Dolzarb 90 kun” loyihasi doirasida Talabalar turar joyida istiqomat qiluvchi talaba-qizlar ishtirokida shaxmat musobaqasi hamda tikuvchilik to‘garagi tashkil etildi.
Shaxmat musobaqasi ishtirokchilarda mantiqiy fikrlash, strategik qaror qabul qilish va raqobat muhitida o‘z imkoniyatlarini namoyon etish ko‘nikmalarini shakllantirishga xizmat qilgan bo‘lsa, tikuvchilik to‘garagi talaba-qizlarning kasbiy mahoratini oshirish, ijodiy salohiyatini yuzaga chiqarish hamda hunarga bo‘lgan qiziqishini yanada mustahkamlashga zamin yaratdi.
Bunday tadbirlar yoshlarning ijtimoiy faolligini oshirish, ularni vatanparvarlik, mehnatsevarlik va tashabbuskorlik ruhida tarbiyalash bilan birga, talabalar turar joyida sog‘lom ma’naviy muhitni shakllantirishga ham xizmat qilmoqda.
“Dolzarb 90 kun” loyihasi doirasidagi tadbirlar izchil davom etmoqda.