Termiz davlat pedagogika institutida “Qo‘shma ta’lim” dasturi bitiruvchilarining magistrlik dissertatsiyalari himoyasi bo‘lib o‘tdi
Termiz davlat pedagogika instituti hamda Qozon Federal universiteti o‘rtasidagi hamkorlik asosida amalga oshirilayotgan “Qo‘shma ta’lim” dasturi o‘zining ilk samaralarini bermoqda.
2024–2025-o‘quv yilida mazkur dastur doirasida “Ona tili va adabiyoti: rus tili” mutaxassisligi bo‘yicha 1+1 ta’lim shaklida magistraturaga qabul qilingan magistrantlar o‘zlarining magistrlik dissertatsiya ishlarini muvaffaqiyatli himoya qildilar.
Himoya jarayonida institut O‘quv-uslubiy boshqarma boshlig‘i R. Omanov, Magistratura bo‘limi boshlig‘i S. Sattarov, Tillar fakulteti dekani A. Umarov hamda Rus tili va adabiyoti kafedrasi o‘qituvchisi R. Usarov ishtirok etdi.
Magistrantlar o‘z ilmiy tadqiqotlarida sohaning dolzarb masalalarini chuqur tahlil qilib, innovatsion yondashuvlar va ilmiy xulosalarni taqdim etdilar.
Institut jamoasi barcha bitiruvchilarni magistrlik dissertatsiyalarini muvaffaqiyatli himoya qilganliklari bilan samimiy tabriklaydi hamda yangi yutuqlar va yorqin istiqbollar tilaydi.