TerDPI talabasi Osiyo chempionatida yurtimiz sharafini himoya qiladi
Termiz davlat pedagogika instituti Jismoniy madaniyat va san’at fakulteti, Jismoniy madaniyat ta’lim yo‘nalishi 2-bosqich talabasi Abdullayeva Charos kurash bo‘yicha O‘zbekiston terma jamoasi safida 2026-yil 12–15-iyun kunlari Tojikiston Respublikasining Dushanbe shahrida bo‘lib o‘tadigan kattalar o‘rtasidagi XV Osiyo chempionatida ishtirok etadi.
Terma jamoamiz a’zolari musobaqada Osiyoning eng kuchli sportchilari bilan bahs olib boradi. Abdullayeva Charos esa ayollar o‘rtasidagi 87 kilogramm vazn toifasida yurtimiz va institutimiz sharafini himoya qiladi.
Yosh sportchimizga mazkur nufuzli musobaqada omad, kuch-g‘ayrat va yuksak natijalar tilaymiz.