Yana bir yuksak sport yutug‘i!
Termiz davlat pedagogika instituti, Jismoniy madaniyat va san’at fakulteti, Jismoniy madaniyat yo‘nalishi 2-bosqich talabasi Avazturdiyev Shuhratbek Toshkent shahrida bo‘lib o‘tgan O‘zbekiston kubogi musobaqasida sportning para dzyudo turi bo‘yicha kattalar va yoshlar o‘rtasida 70 kg vazn toifasida faxrli 1-o‘rinni qo‘lga kiritdi.
Mazkur musobaqadagi muvaffaqiyatli ishtiroki natijasida sportchimiz joriy yil sentyabr oyida Gruziyada bo‘lib o‘tadigan jahon chempionatida O‘zbekiston sharafini himoya qilish huquqini beruvchi yo‘llanmani ham qo‘lga kiritdi.
Termiz davlat pedagogika instituti jamoasi nomidan Avazturdiyev Shuhratbekni ushbu munosib g‘alaba bilan samimiy tabriklaymiz hamda bo‘lajak jahon chempionatida ham yuksak natijalar, zafarli g‘alabalar tilaymiz!